Auzitegi Gorenak Griñanen kartzela-zigorra eta Chavesen gaitasungabetzea berretsi ditu
Espainiako Auzitegi Gorenak berretsi egin ditu Jose Antonio Griñan eta Manuel Chaves Andaluziako Gobernuko presidente ohiei lan-erregulazioko espedienteen auzian ezarritako zigorrak: sei urteko espetxealdia eta 15 urteko desgaikuntzat lehenengoarentzat eta bederatzi urterako gaitasungabetzea bigarrenarentzat.
Sistema ilegal bat asmatu zuten enpresei diru-laguntzak nahieran emateko eta iruzurra 2000tik 2011ra mantendu zuten.
Erabakia ez dute aho batez hartu, hiru magistratuk Sevillako epaitegiaren ebazpenaren alde bozkatu baitute eta beste bi kontra agertu baitira. Horrela, bada, Griñani diru publikoa bidegabe erabiltzea eta prebarikazioa egotzi dizkiote; Chaves, ostera, prebarikazioagatik soilik zigortu dute.
Chavesi diru publikoa bidegabe erabili izana leporatu ez diotenez, kartzela-zigorra saihestu du. Aitzitik, Griñanek espetxera joan beharko du delitu hori egotzi diotelako. Hain justu ere, ebazpenaren kontra bozkatu duten magistratuek uste dute Griñani ez zaiola delitu hori egotzi behar.
Gaur erabakia jakinarazi dute eta epaiaren xehetasunak aurrerago egingo dituzte publiko. Hala ere, Griñanen abokatuak jakinarazi du helegitea aurkeztuko duela eta bitarteko guztiak erabiliko dituela bere bezeroa kartzelan sartzea ekiditeko. Ildo horretan, ez du baztertu indultua eskatzeko aukera.
Ebazpen judizialaren arabera, laguntza sozialak emateko eta krisian zeuden enpresei laguntzeko "legez kanpoko sistema bat" asmatu zuten, hamar urtez egon zen indarrean eta epe horretan 680 milioi euro nahieran banatu zituzten.
Andaluziako bi presidente ohiak ez ezik, garai hartako beste 14 goi-karguri ezarritako zigorrak ere berretsi ditu Auzitegi Gorenak.
Zure interesekoa izan daiteke
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.