Botere Judizialaren Kontseilu Nagusiak berritzeko akordiorik gabe jarraitzen du, ostiralean bilera eginda
Botere Judizialaren Kontseilu Nagusiak berritzeko akordiorik gabe jarraitzen du, ostiral goizean bilera eginda. Hala, datorren asteazkenean, hilaren 21ean, epaileen gobernu organoa berriro batzartuko da, negoziatzen jarraitzeko; hori bai, konpromisoa hartu du hautagaiak Auzitegi Goreneko magistratuak izateko eta izendapenetan "gehiengo zabala" egoteko.
Testuinguru horretan, Botere Judizialaren Kontseilu Nagusiko bloke progresistaren eta kontserbadorearen arteko lehen bilera espero bezala amaitu da, alegia, izenik gabe, baina beste topaketa bat egiteko deialdiarekin. Egun horretan, batzordekide progresistek bederatzi hautagaik osatutako zerrenda eramango dute. Besteak beste, epaile hauek daude zerrenda horretan: CNIren jarduera kontrolatzeko ardura duen Pablo Lucas, Maria Luisa Segoviano, alegia, Auzitegi Goreneko Areto bateko presidente izandako lehen emakumea, eta Miliar arloko presidente Jacobo Lopez Barja de Quiroga.
Kontserbadoreek, oraingoz, ez dute aurreikusita hautagaien zerrenda egitea; izan ere, uste dute beste aldagai batzuk ere kontuan izan behar dituztela. Aldagai horietako batzuk dira zein eragin izango luke hautatzeak pertsonalaren eskasia duen Areto bateko kide den magistratu bat (Auzitegi Gorenean hori gertatzen da). Hori ezin izan dute adostu bi blokeek.
Nolanahi ere, bloke kontserbadoreak eskatu du denbora luzeagoa egun ez baitute Gorenean Konstituzionalerako hautagaia izan nahi duen magistraturik, Botere Judizialaren Kontseilu Nagusiaren iturriek esan dutenez. Progresistek, aldiz, "negoziazio prozesuan gardentasunik handiena erakusteko", eta kontuan izanik hautagaiak dituztela, konpromisoa hartu dute hautagaien zerrenda emateko, horien ibilbidearekin, "lanean aurrera egin ahal izateko".
Hiru puntuko akordioa
Hala, Auzitegi Konstituzionaleko bi magistratu izendatzeko legezko epea amaitu zenetik hiru egun igaro direla, bi blokeek hiru puntuko akordioa itxi dute: magistratuek babesik handiena izan dezatela, hautaketa hautagaien curriculumak sakonean aztertuta egin dadila, eta hautatuak Auzitegi Goreneko epaileak izan daitezela. Akordio horretan oinarrituta, bi taldeek (Alvaro Cuesta, Roser Bach eta Rafael Mozo progresistek, eta Jose Antonio Ballesteros eta Carmen Llombart kontserbadoreek) jarraituko dute negoziazioetan datorren astean.
Bitartean, Espainiako Gobernuak (beste bi magistratu izendatu behar ditu) argi utzi du itxarongo duela Botere Judizialaren Kontseilu Nagusiko batzordekideek "euren lana egin arte"; beraz, litekeena da ondorengo egunetan ez esatea nortzuk izendatzen dituen espainiar Gobernuak. Felix Bolaños Presidentzia ministroa ziur azaldu da: "Ezin dut irudikatu Botere Judizialaren Kontseilu Nagusiak legea ez betetzea".
Espainiako Justizia ministro Pilar Llopek adierazi du uste duela batzordekide guztiek beteko dutela lege agindua, Konstituzionalerako bi magistratu hautatuz, baina ez du aurreratu noiz arte itxarongo duen Espainiako Gobernuak bereak izendatzeko.
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko San Joan jaietan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die bi taldeoi.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.