Atutxak esan du bazkideen arteko "konfiantza gutxirekin sortutako Gobernua" dela Kataluniakoa
Kataluniako Gobernuaren krisia izan du hizpide, besteak beste, Itxaso Atutxa Bizkai Buru Batzarreko presidenteak goizean Euskadi Irratian egin dioten elkarrizketan, eta Generalitatea amildegiaren ertzean ikusten duela esan du. Horren hitzetan, eratu zen momentutik bertatik agerikoa zen bi bazkideak —Junts per Catalunya eta ERC— oso urrun zeudela bata bestearengandik, eta denborarekin areagotu besterik ez da egin distantzia hori. "Oso aldenduta daude bi alderdiak".
Pere Aragones Gobernuko presidenteak (ERC) bart iragarri zuenez, Jordi Puignero (Junts per Catalunya, JxCat) presidenteordea kargutik kanpo uztea erabaki du, berarengan "konfiantza galdu" duela argudiatuta. Zentzu horretan, "arriskuan" ikusten du Kataluniako Gobernua, eta atzokoaren ondotik, buruzagi jeltzaleak ez du uste elkarlanari eusteko gai izango direnik. "Benetako arriskuan ikusten dut Generalitatea. Gogorra da gertatzen ari dena, baina konfiantza galtze hori lehendik dator. Konfiantza gutxirekin eratutako Gobernua da eta harremana ez da ona izan bazkideen artean. Atzokoaren ostean, ez dakit elkarrekin lanean jarraitzeko moduan izango diren", esan du.
Transferentziei buruz ere mintzatu da Atutxa, eta beste behin esan du "denbora agortzen" ari dela. Agindutakoa ez betetzea egotzi dio Espainiako Gobernuari, eta "borondatea erakustea" ez dela nahikoa nabarmendu du, erabaki politikorik ez badago. Hala, EAJrentzat "Espainian egonkortasuna egotea garrantzitsua" den arren, "beti ez gara amildegiaren beste aldean zer dagoen zain egongo".
Bestalde, zergen inguruko erreformaren inguruan Espainia mailan sortu den eztabaidaren harira, BBBko buruak adierazi du PSOEk hasieratik erakutsi duela "gurekin akordioa erdiesteko borondatea", baina ikusi egin beharko dela hartuko diren erabakiak EAEko sistemara nola egokituko diren. Dena dela, ziur agertu da Alderdi Sozialistak ez duela hartuko Kontzertu Ekonomikoa kaltetuko duen neurririk, "eurentzat ere garrantzitsua delako ezer ez apurtzea gurekin".
Gai honek lanketa eta irakurketa zabala eskatzen duela azpimarratu du, zerga sistema aldatzea "zein zaila" den jakinda, eta horregatik, "apur bat friboloa" iruditzen zaio Estatuan dagoen "dantza" gai honen inguruan.
Hauteskundeak ate joka diren honetan, udal eta aldundietan osatuko diren akordioei buruz adierazi du EAJk toki guztietan "gehiengo egonkorrak" bilatuko dituela, eta, ez du ukatu horretarako "lehen deia" PSEri egingo dietela, "errespetuagatik eta azken urteotako elkarlanaren ondoren".
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.