Zaldibarko txostena "aldebakarreko" dokumentuekin egin dela salatu dute EH Bilduk, Podemos-IUk eta PP-C´sek
Aste honetan Arantxa Tapia Eusko Jaurlaritzako Garapen Ekonomiko, Jasangarritasun eta Ingurugiro sailburuak jakitera emandako Europako Batzordeko txostena defendatu dute EAJk eta PSEk Radio Euskadiko "Parlamento en las Ondas" irratsaioan.
Alderdi horien arabera, txosten horrek "babesten" du Zaldibarko zabortegiko luizian Jaurlaritzak egindako kudeaketa. Oposizioak, berriz, ohartarazi du ez dela "itxitako auzia", Europako txosten hori Jaurlaritzak bera emandako dokumentuekin egin delako.
Jose Antonio Susok (EAJ) uste du Exekutiboaren kudeaketa erantzukizunaz "guztiz libratu" dela, legea "osorik" bete zuelakoan. Gloria Sanchezek (PSE) adierazi du txostena "irmoa eta biribila" dela eta Jaurlaritzaren jarrera "babesten" duela. "Jaurlaritzak ondo jardun zuen aurreko eta ondorengo ekintzetan", gaineratu du.
Oposizioko alderdiek, ordea, kritikatu dute txostena "aldebakarrekoa" dela, Eusko Jaurlaritzak berak emandako dokumentuekin egindako txostena baita. Mikel Oterok (EH Bildu) azpimarratu duenez, "Europak ez du ezer itxi, eta Europako Batzordeak ez du ezer babestu".
Zentzu berean mintzatu da Isa Gonzalez (Elkarrezkin Podemos-IU). Horren aburuz, Jaurlaritzak "nahierara kontratatutako aholkularitza bati eskatu eta ordaindutako" txostenak izan dira. Bestalde, Carmelo Barriok (PP-C´s) esan du "hautaketan izandako errua" dagoela, "oraindik behar bezala aztertu ez dena", alegia.
Amianto biktimentzako diru-funtsa
Aste honetan Senatuan onartutako amianto biktimentzako 25 milioi euroko konpentsazio funtsaren gainean ere mintzatu dira legebiltzarkideak. Alderdi guztiek azpimarratu dute urteaz talde guztiek "batuta eta irauntzaz" egin dutela lan, adostasunera heldu arte.
Lege proposamenaren ekimena Eusko Legebiltzarrean jaio zen duela 11 urte, baina Madrilen hainbat oztopo izan zituen, PP aurka baitzegoen. Legearen garapenari adi egongo direla gaineratu dute legebiltzarkideek.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.