Ehunka lagun bildu dira Donostian, Atristaini hirugarren gradua baliogabetzearen aurkako manifestazioan
Ehunka pertsona bildu ditu Sarek larunbat arratsalde honetan deitutako manifestazioan, Auzitegi Nazionalak Xabier Atristain ETAko presoari hirugarren gradua kendu izanaren aurka. Ondorioz, Atristain Martuteneko espetxera itzuli zen atzo arratsaldean.
Euskal presoen eskubideen aldeko plataformak salatu du neurri hori "oztopo" bat dela presoak "etxerako bidean" jartzeko prozesuan, eta horregatik egin du protesta deialdia.
Sareren adierazpenak
Inaxio Oiartzabal Sareko bozeramaileak arratsalde honetan azpimarratu duenez, "Entzutegi Nazionalaren fiskaltzak daukan jarrera legeak dioen gradu progresioen ibilbidea euskal presoei oztopatzekoa da etengabe". Gainera, nabarmendu du "beste dozenaka preso daudela egoera berdinean, eta horrek elkarbizitzarako eta konponbiderako pausoak eman beharrean, zangotrabatu eta oztopatu beste desiorik ez dauka".
"Saretik argi daukagu salbuespen legeria behin betiko amaitu behar dela", gaineratu du eta, horretarako, "eraiki den kontsentsu politiko, sindikal eta sozialean elkarrekin lanean jarraitu behar dugu, horren aurrean egoteko eta guk nahi dugun etorkizun hori eraikitzeko pausoak emateko".
Era berean, gogorarazi nahi izan du "pauso positiboak bizi izan ditugula azkenaldian", azken egunetako 11 presoren Euskal Herriratzeak hizpide. "Bide horretan pauso positiboak bizitzen ari garen honetan, horrelako atzerapausoek iraganera begirarazten digute, eta guk etorkizunera begiratu nahi dugu". Hala, bide horretan "lanean jarraituko" dutela erantsi du.
Foro Sozial Iraunkorra
Foro Sozial Iraunkorrak uste du Atristainen atzerapausoa eta espetxeratzea "berri txarra" direla "bizikidetza demokratikorako, oro har, eta, bereziki, berak lan egiten dugunontzat".
Ohar batean, erabaki "ulertezina" salatu du. Ildo horretan, adierazi duenez, "Auzitegi Nazionalean giltzapetutako lobbyek eta horien aldekoek atzera bueltarik ez duen bidea oztopatzen jarraitzen dute", eta "bakea eraikitzeko prozesuak adostasun instituzional, politiko, sindikal eta sozial zabala du, joan den larunbatean Donostian berriro islatu zen bezala".
Auzitegi Nazionaleko Espetxe Zaintzako Epaitegi Nagusiak baliogabetu egin du Eusko Jaurlaritzak Xabier Atristain ETAko presoari emandako hirugarren gradua. Hortaz, Atristain berriro ere sartu da Martuteneko kartzelan, Etxerat senideen elkarteak jakitera eman duenez.
Auzitegiak aintzat hartu du Fiskaltzak hirugarren graduaren aurka jarritako helegitea. Hirugarren gradua uztailean eman zuen Eusko Jaurlaritzako Justizia Sailak. Hala, Atristain Martuteneko espetxera sartu da berriro; azken hilabeteotan, soilik lo egitera joaten zen bertara.
Atristain 17 urteko kartzela zigorra ari da betetzen. Auzitegi Gorenak ez zuen hori berrikusi, nahiz eta Estrasburgoko Giza Eskubideen Auzitegiak Espainia zigortu zuen; izan ere, 2010ean, inkomunikazio erregimenean atxilotuta zegoela, Atristainek ez zuen baimenik izan abokatua aukeratzeko.
Giza Eskubideen Auzitegiaren ebazpenaren ostean, Atristain aske utzi zuten, otsailaren 17an, baina ekainaren 2an, Auzitegi Gorenak ebatzi zuenean ez zegoela arrazoirik zigorra berrikusteko, berriro ere atxilotu zuten, eta kartzelara bueltatu zen.
Hilabete baten buruan, Justizia Sailak oniritzia eman zion hirugarren gradua emateari; orain, baina, Ministerio Fiskalaren helegitea aintzat hartuta, baliogabetu egin dute hirugarren gradu hori.
Etxeratek esan duenez, Fiskaltzak, azken hilabeteotan, ETAko 13 presok jasotako hirugarren graduen aurkako helegiteak jarri ditu, tartean Atristainena. Abuztuan, Beatriz Artolazabal Justizia sailburuak zehaztu zuen Jaurlaritzak 25 hirugarren gradu zituela emanda, ETAko presoei, kartzelen eskumena Eusko Jaurlaritzak kudeatzen duenetik.
Etxeratek "sumindura" agertu du presoaren aurkako ebazpen judizialagatik. Atristainek 12 urte daramatza kartzelan, nahiz eta Giza Eskubideen Auzitegiak ondorioztatu zuen ez zuela "bidezko epaiketarik izan, kontuan izanik inkomunikatuta atxilotuta zegoela ez ziotela baimendu konfiantzako abokatua aukeratu".
Carlos Apeztegia ETAko presoa espetxetik irten da
Bitartean, Juan Carlos Apeztegia Jaka ETAko presoa Martuteneko kartzelatik irten da, lau espetxe zigorra beteta; izan ere, 2002an, kartzelan zegoela 25 urteko beste zigor bat betetzen, espetxeetako funtzionario batzuen aurkako atentatuak egiteko datuak eman zituen.
Etxeratek jakinarazi duenez, Apeztegia Jaka ostiral honetan irten da kartzelatik. 2013ko maiatzean utzi zuten aske, baina 2018ko urriaren 16an atxilotu, berriro ere, Hernanin.
Zure interesekoa izan daiteke
"Alarmismoetan ez erortzeko" eskatu du Martinezekek, eta iraungitako txertoak segurtasunarentzako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
'Txeroki' 2008.urtean atxilotu zuten Frantzian eta 400 urtetik gorako zigorra betetzen ari da hainbat atentaturengatik. 2024an Frantziako Lannemezan espetxetik Martuteneko espetxera eraman zuten.
Pradalesek eta Sanchezek adostuta, goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak aurki
Urtarrilaren 27ko bileran Espainiako presidentearekin adostutako bi hitzordu horiek Aste Santua baino lehen izango direla iragarri du lehendakariak. Halaber, nabarmendu du errespetuan eta erantzukizunean oinarritutako politika egiten jarraituko dutela.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo borraska
Gaurkoan Orain-en albiste izango direnen laburpena, bi hitzetan.
Itxasok lehendakaria kritikatu du “proiekturik gabeko etxebizitzak” iragartzeagatik
Kritikak kritika, Etxebizitza sailburuak esan du EAJ-PSE koalizio-gobernua "funtzionatzen" ari dela eta legealdi honetan atzean geratu direla etxebizitza-politikan iraganean izandako "desadostasun handiak".
Asensiok tonua apaldu eta "normaltasunaren barruan" kokatu ditu Mendozari egindako kritikak
Ayesa operazioa dela eta, buruzagi sozialistak "lidergo falta" egotzi zion Gipuzkoako diputatu nagusiari. Biharamunean, Asensiok esan du "gai zehatzetan" iritzi ezbedinak izatea "normaltasunaren barruan" dagoela.
Martxoaren 3ko sarraskia gogoan mantentzeko helburua duen "Amets berriak" abestia aurkeztu dute
Martxoaren 3an Gasteizen izandako sarraskiaren 50. urteurrena ospatzeko aste gutxi falta direnean, Martxoak 3 elkarteak "Amets berriak" abestia aurkeztu du. Letra Karmele Jaiok idatzi du eta Idoia Asurmendik interpretatu.
Hezkuntza sailburuak LHko euskal eredua goraipatu du, Sanchezek horien irekiera mugatzeko asmoa iragarri ondoren
Begoña Pedrosa Hezkuntza sailburuak Euskadiko Lanbide Heziketaren "kalitatezko eredu inklusiboa" goraipatu du, Pedro Sanchez Espainiako Gobernuko presidenteari emandako erantzunean. Horren arabera, Lanbide Heziketako ikastetxe pribatuen irekierari "mugak jartzeko" eta prestakuntzaren kalitatea "blindatzen jarraitzeko" errege-dekretua sortuko da.
Justizia Administrazioan euskara sustatzea eskatzen duen ekimena atera dute aurrera EAJk eta PSE-EEk
Administrazio publikoan euskararen eskakizuna blindatu ahal izateko legearen negoziazioan jarrerak urrunduta dituztenean, jeltzaleek eta sozialistek bat egin dute gaur Legebiltzarrean euskararekin lotutako ekimen batean.
CCOOk ELAri eta LABi eskatu die LGSri buruzko estrategia "birbideratzeko"
Unai Sordoren arabera, "gutxieneko soldata bat izan behar du, eta gero negoziazio kolektiboak lurrera jaitsi behar du baloia" lurraldeetan. CCOOko idazkari nagusiak mobilizaziorako deia egin du, hitzarmeneko gutxieneko soldatak lortzeko.