Xabier Atristain ETAko kide ohia espetxeratu dute, Gorenak zigorra berrikusteari uko egin ostean
Ertzaintzak Xabier Atristain ETAko kide ohia atxilotu du ostegun honetan Donostian, Auzitegi Gorenak 17 urteko kartzela-zigorra berraztertzea errefusatu eta biharamunean, Giza Eskubideen Europako Auzitegiak berme guztiak dituen prozesu baterako eskubidea urratutzat jo ostean.
Atristain otsailaren 17an atera zuten espetxetik, 2010ean inkomunikazio erregimenean atxilotuta egon zenean konfiantzako abokatu bat aukeratzen ez uzteagatik Giza Eskubideen Europako Auzitegiak Espainia zigortu ondoren. Donostiako Martuteneko espetxean sartu dute berriro.
Ertzaintzak Donostiako erdigunean atxilotu du, Auzitegi Nazionalak emana baitzuen hura bilatzeko, atxilotzeko eta espetxeratzeko agindua, Eusko Jaurlaritzako Segurtasun Sailak ohar baten bidez jakinarazi duenez.
Atxiloketa 13:00ak pasatxo zirenean izan dela zehaztu du, eta Auzitegi Nazionaleko Zigor-arloko 3 zenbakiko Salaren agindu bat "betetzeko" egin dela.
Giza Eskubideen Europako Auzitegiak ebatzi zuen Atristaini, 2010ean atxilotu zutenean eta inkomunikatuta zegoenean, abokatua aukeratzea ukatu izanak hasierako aitorpenean eta ondorengo epaiketan eragina izan zezakeela. Gainera, Atristaini 12.000 euroko kalte-ordaina ematera behartu zuen Espainia, kalte moralagatik, eta beste 8.000 euro epaiketako kostu eta gastuengatik, bere eskubideen urraketarekin eragindako kaltea konpontzeko.
Atristainek, orduan, bere kondena baliogabetzeko berrikuspen-errekurtsoa aurkeztu zuen Gorenean, argudiatuz Giza Eskubideen Europako Auzitegiaren epaiak ondorioztatu zuela abokatua aukeratzeko debekuak "ondorengo prozesu penalaren ekitatea ahuldu zuela, Atsirstainen hasierako inkriminazio-deklarazioa froga gisa onartu zelako".
Goreneko magistratuek uste dute, Giza Eskubideen Europako Auzitegiak hautemandako urraketak eragindako adierazpenak alde batera utzita ere, badirela beste froga batzuk Atristainen kondena oinarritzen duten egitateei buruzko ondorio berera iristeko. Horregatik, ebatzi dute kasu honetan ez dela bidezkoa epaia berrikustea.
Ohar batean, Sortuk adierazi du Espainiako Justiziak ezin duela egin "sudur puntan jartzen zaiona", eta Estrasburgoko epaia bete behar duela. Era berean, dei egin die "demokraziaren aldeko" eragile politikoei, sindikalei eta sozialei "ahotsa altxatzeko" "barrabaskeria honen aurrean".
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.