Salvador Alba epaile ohia kartzelan sartu da ustelkeriagatik ezarritako zigorra betetzeko
Salvador Alba epaile ohia gaur goizean sartu da Las Palmas I espetxean ustelkeriagatik ezarri zioten sei urte eta erdiko kartzela zigorra betetzeko. Atzo arratsaldean Kanarietako Justizia Auzitegi Nagusiak epaile ohia bilatzeko eta atxilotzeko agindua eman zuen, defentsaren alegazioak atzera bota eta bere borondatez aurkezteko epea amaitu zela argudiatuta.
Epaile ohiak sei urte eta erdiko kondena bete beharko du, eroskeria eta prebarikazioa delituengatik eta dokumentuak faltsutzeagatik. Auzitegi Gorenak 2021eko azaroan berretsi zuen zigorra. Epaiak frogatutzat eman zuen Salvador Albak instrukzio penal bat manipulatu zuela Victoria Rosell epaileari kalte egiteko, hain zuzen ere, azken hori Podemoseko diputatua zenean Diputatuen Kongresuan.
Iragan urriaren 13an, Poliziak aurrez aurre jakinarazi zion 24 orduko epea zuela espetxean bere borondatez sartzeko.
Auzi horrengatik, karrera judizialetik kanporatu zuten. Magistratu ohia den neurrian, bere profil profesionaleko zigortuentzako kartzela batean bete beharko du kondena: Estremera, Sevilla I, Castello II, Monterroso eta Logroño) espetxe batean bete beharko du kondena. Hala ere, egiaz, berak aukeratutako espetxe batean aurkez dezake bere burua.
Justizia Administrazioko letradu den Teresa Lorenzo emazteak adierazi zuen gaur 15:00etatik aurrera espetxe batera joateko asmoa zuela; izan ere, bikotekidearen arabera, borondatez espetxera agertzeko ostegunean emandakoa epea ez da ordura arte amaitzen.
Azken egunetan defentsa abokatua ahaleginak eta bi egiten aritu da espetxean sartu ez zedin. Hala ere, Kanarietako Justizia Auzitegi Nagusiak atzera bota ditu saiakera horiek guztiak.
Zure interesekoa izan daiteke
Peinadok bost eguneko epea eman dio Begoña Gómezi Londresera alabaren graduaziora baino ez zela joan frogatzeko
Epaileak baimendutako joan-etorria baino ez zuela egin egiaztatzeko eskatu dio. Era bereab, ohartarazi du hala egiten ez badu kautelazko neurriak urratzeagatik delitua egon litekeela.
Lander Martinez (Sumar): “Hauteskunde orokor erabakigarriak egongo dira, eta gure helburua da gobernu aurrerakoiari eustea”
Asteburuan Madrilen egin den Sumar alderdiaren ezohiko batzarraren ostean, Lander Martinez diputatuak adierazi du “arrakastatsua” izan dela prozesua; bertan, Veronica Martinez Barbero eta Rosa Martinez zuzendaritzako koordinatzaile berri izendatu dituzte. Era berean, azpimarratu du alderdiaren lehentasuna datorren urteko hauteskunde orokor erabakigarrietan “gobernu aurrerakoi bati eustea” izan behar dela.
Ubarretxenak esan du "autogobernu handiagoak ongizate handiagoa" dakarrela
Agirre lehendakariaren agintaldiaren 90. urteurrenaren harira, EHUren udako ikastaroetan parte hartu du, eta kritikatu du "askotan autogobernua eta ongizatea kontzeptuak bereizten saiatzen" direla, eta lehenengoa "gai identitarioekin" lotzen dela, gauza praktikoen kontra joango balitz bezala.
Arazo diplomatikoa eragin du Rajoyk, Frantziak “frantsesik gabe” jokatzen duela adierazita
Laurent Nuñez Barne ministroaren hitzetan, adierazpenak "onartezinak" eta "aberranteak" dira, "Frantzia herrialde askotarikoa" delako.
Zigor Kodea erreformatzeak ez luke Ertzaintzaren aurkako erasoak gutxitzen lagunduko, Mertxe Aizpuruaren arabera
EH Bilduren Diputatuen Kongresuko bozeramaileak adierazi duenez, uda hasi zenetik hainbat festa izan dira, eta ez da izan Bingen Zupiria Segurtasun sailburuak iragarritako GKS eta Ernairen arteko istilurik. Halaber, erasoak "hauspotu" eta Ertzaintza "instrumentalizatu" nahi izana salatu du.
De Andres (PP): “Euskal gizartearen parte batek bullying-a jasaten du: ertzainek, alkateek eta Espainiako selekzioaren elastikoa daramatenek”
Javier de Andres EAEko PPko presidentea elkarrizketatu dute Radio Euskadiko Boulevard saioan, eta salatu du euskal gizartearen zati batek “bullyinga” jasaten duela. Haren esanetan, horien artean daude “ertzainak, CCOOko kideak, alderdi guztietako alkateak —batekoak izan ezik—, eta Espainiako selekzioaren elastikoa daramatenak”. Ildo horretan, De Andresek babestu egin du ErNE sindikatuaren proposamena Zigor Kodea gogortzeko, ertzainei eta udaltzainei egiten zaizkien erasoengatik ezartzen diren zigorrak areagotzea.
ErNEk Zigor Kodea erreformatzea proposatu du, ertzainen eta udaltzainen aurkako erasoengatiko zigorrak gogortzeko
ErNEk azaldu du asteak daramatzala Eusko Legebiltzarrean ordezkaritza duten taldeekin biltzen, legegintza-proposamen bat aurkezteko.
Historiako "gertakari ilunenak ez ahaztea" eta biktimak gogoratzea eskatu du Ansolak
Ikurrinaren Eguna ospatu du gaur EAJk Bilbon. Duela 132 urte lehen batzokia zabaldu zenean altxatu zen lehen aldiz, eta orduan bezala, Bilboko Zazpikaleetan ikurrina mastara igo dute. Iñigo Ansola Bizkai Buru Batzarreko presidenteak ikurrinaren benetako balioekin jeltzaleek duten konpromisoa berretsi du, eta azpimarratu du euren lekua ez dagoela muturretan.
PPk Miguel Angel Blanco oroitu du
Alderdi Popularrak omenaldia egin dio Miguel Angel Blanco zinegotziari Ermuan, ETAk hil zuela 29 urte betetzen direnean. Bertan izan dira Mari Mar Blanco arreba, Javier de Andres Euskadiko popularren presidentea eta Cuca Gamarra alderdiko idazkariordea. Gamarrak salatu du Pedro Sanchezek EH Bilduren botoei esker eusten diola botereari. Eta iragarri du PP gobernura iristen denean Espetxeetako legea aldatuko duela ETAko presoak etxera ez ekartzeko.
Veronica Martinez Barbero eta Rosa Martinez aukeratu dituzte Sumarren buruzagi berriak, % 95,92ko babesarekin
Martinez Barbero Kongresuko bozeramailea da eta Martinez, Eskubide Sozialen Estatu idazkaria. Hala, erreleboa hartu diote Lara Hernandezi, hark alderdia utzi ostean.