Azaroaren 12an Bilbo betetzeko deia egin du Otegik, gerraren aurka eta aberastasunaren banaketaren alde
EH Bilduk ekitaldia egin du larunbat honetan Portugaleten, eta Arnaldo Otegi alderdiko koordinatzaile nagusiak Ukrainako gerra, inflazioa, energiaren prezioaren igoera eta pobrezia izan ditu hizpide. Egungo eskalada militarrari amaiera eman behar zaiola esan eta gerra "berehala" gelditu beharra aldarrikatu du. Horrekin batera, nabarmendu du arazook badutela arduraduna, elite politiko eta ekonomikoa alegia.
Otegik adierazi duenez, "gertatzen diren gauzak ez dira fenomeno meteorologiko bat". Aipatutako krisiak berez datorren "ekaitz natural" gisa izendatu izan badira ere, alderdiak aurtengo udaran egindako hausnarketa errepikatu nahi izan du, gogoraraziz "herri honetan, Estatuan, Europan eta munduan badirela hainbat eta hainbat egiturazko joera, orain berretsi direnak".
Hala, azpimarratu du "krisi klimatikoa, desberdintasun sozialen areagotzea eta autoritarismoaren gorakada" ez direla kasualitatea, "elite politiko eta ekonomikoek hartutako erabakien ondorioa" baizik.
"Gertatzen zaizkigunak eta gertatuko direnak elite politiko eta ekonomiko baten ardurapean gertatzen diren gauzak dira", berretsi du eta, gaineratu duenez, "politika neoliberalak aplikatzen dituztenen eta mundua diru metaketaren ikuspuntutik ikusten dutenen ardura dira".
Hala, datorren azaroaren 12an Bilbon Ukrainako gerraren aurka eta aberastasunaren banaketaren eta subiranotasun nazionalaren alde kalera ateratzeko deia egin du Otegik, "politika neoliberalen ondorioz gertatzen ari denaren aurrean alternatibak daudelako" eta "ez delako etsipenerako garaia, anbiziorakoa baizik".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.