GALen terrorismoa defendatzerakoan, Barrionuevok erakutsi duen "inpunitatea" kritikatu du Urtaranek
Gorka Urtaran Gasteizko alkateak kritikatu egin du Jose Barrionuevo Espainiako Gobernuaren Barne ministro ohiak Estatuaren gerra zikina eta GALen terrorismoa defendatzerakoan erakutsi duen "inpunitatea". Urtaranen esanetan, kondenak bakarrik ez du balio, "ikuspuntu sozial eta judizialetik" lan egin behar da.
Memoriaren egunarekin bat eginez, terrorismoaren biktimei eskainitako Memoriaren Plaza inauguratu dute gaur goizean Gasteizen. Correos kalearen eta Terrorismoaren Biktimen Oroimenezko Zentroaren artean kokatuta dago, eta 1,6 milioi euroko inbertsioa egin dute bertan.
Gasteizko alkatearen iritziz, "ezin da izan politikari ohi batek inpunitate horrekin jardutea, eta bere protagonismoa edo erantzukizuna adierazi nahi izatea Espainiako demokraziaren parte ilun eta ankerrenaren aurrean".
Egon diren gaitzespen adierazpenak eskertu eta nabarmendu baditu ere, Gorka Urtaranek ez du uste nahikoa denik zigorgabetasunarekin amaitzeko. Hori dela eta, ikuspuntu sozialetik eta judizialetik lan egiteko beharra azaldu du.
Gorka Urtaranek azpimarratu du Gasteiz "giza eskubideen urraketak pairatu dituzten biktima guztiekin" dagoela. "Gaur bereziki garrantzitsua da zigorgabetasunarekin amaitzeko beharra adieraztea, biktimak berriro biktimizatzen baititu, eta erreparazioa, duintasuna, justizia eta egia ukatzen baitzaizkie", gaineratu du.
Albiste gehiago politika
Politika Orokorreko Osoko Bilkura, greba orokorra Ipar Euskal Herrian eta Frantzian eta Jose Luis Rebordinosi elkarrizketa
Gaurkoan Orain-en albiste izango direnen laburpena, bi hitzetan.
EAJren ustez, Euskadirentzat "oso onuragarria" da langabezia-prestazioren kudeaketa lortu izana
Maribel Vaquero diputatuaren hitzetan "oraindik bilerak falta dira" eskualdatzea gauzatzeko eta, "adostutakoa beteko" dela ziurtatzeko, "jarraipena egingo" diotela jakinarazi du.
Arabak "probintziako aita" titulua kenduko die Francori eta Molari
Ramiro Gonzalez Arabako ahaldun nagusiak egin du iragarpena, asteazken honetan diktadura frankistak Araban errepresaliatutako pertsonak oroitzeko egin duen lore-eskaintzan. Ekitaldi hori Foru Aldundiak eta lurraldeko Batzar Nagusiek antolatzen dute urtero, eta kargu publikoak eta senideak izan dira bertan.
Greba eta mobilizazio eguna, ostegunean, Ipar Euskal Herrian
Frantzia osoan egingo dira protestak Gobernuak ezarri nahi dituen murrizketen aurka. Sindikatuek Lecornu lehen ministro berria prestatzen ari den 2026ko aurrekontuetan eragin nahi dute. Baionan 10:30ean irtengo da manifestazio nagusia Santa Ursula plazatik.
Geroa Baik “haserrea" adierazi du, EH Bilduk “Ustelkeriaren Kontrako Bulegoa kontrolatzen” duela esan ondoren
Uxue Barkosek adierazi duenez, adierazpen horiek "zentzu berria" ematen diete OANAk Nasuvinsari buruz egindako "txostenak dituen akats juridikoei". Oskar Matutek, bere aldetik, "harrituta" dagoela esan du eta "egunkari bateko titularra tonu ironikoan" erabili zuela argitu du.
Goiak aitortu du autobus geltokia txiki geratu dela eta handitzeko asmoa duela
Donostiako alkateak deitoratu egin du oraindik abiadura handiko trena Donostiara iritsi ez izana, horrek zerbitzua arinduko lukeela uste baitu.
Euskal agenda zer den zehazteko eskatu dio Garridok lehendakariari
Laura Garrido legebiltzarkide popularrak salatu du estatus berria negoziatzeko mahaian ez dagoela Alderdi Popularra, eta Imanol Pradales lehendakariari azalpenak eskatu dizkio. Bestalde, bihar Eusko Legebiltzarrean egitekoa den Politika Orokorreko Eztabaidan euskal agenda zer den zehazteko eskatu dio lehendakariari.
Langabezia-prestazioen kudeaketa eskualdatzeko akordioa txalotu du Martinezek
Lander Martinez Sumarreko diputatuak Kongresuan esan du akordioa "oso positiboa" dela Euskadirentzat. Bere hitzetan, agerian geratu da Sumarrek autogobernuarekin duen konpromisoa.
Amiantoaren biktimek laguntzak jasotzeko ziurtagiria eskatu ahal izango dute ostegun honetatik aurrera
Eskaria aurkeztu eta gehienez hiru hilabeteko epean eman beharko dute ziurtagiria.
Euskadik eta Espainiako Gobernuak akordioa sinatu dute langabezia-prestazioaren eskualdaketarako
Transferentzien Batzorde Mistoan gauzatuko da urtea amaitu aurretik, eta Eusko Jaurlaritzak SEPEren bulegoak eta langileak bere gain hartuko ditu.