Sedizio delituaren baliogabetzeak Kataluniako indar independentistak zatitu ditu
Sedizio delitua baliogabetzeko iragarpenak oharkabean harrapatu du Kataluniako indar independentisten parte bat. Espainiako Gobernuak iragarritako delitu horren erreformak ERCren elkarrizketa-estrategia babestuko luke, baina JxCatek, CUPek, ANC-k eta Omnium Culturalek mehatxu ugari ikusten dute horretan.
JXCAT
Catalunya Radio irrati-kateari eskainitako elkarrizketa batean Toni Cominek (JxCat) ohartarazi duenez, delituak zigortu ditzakeen pertsona kopurua handiagoa izango da orain. "Desordena publiko larriak" delituarekin, independentismoaren aurkako izugarrikeria handiagoak egin ahalko dira. Hortaz, mugimendu independentistaren aurka doala uste du, "atzerapauso bat" dela.
Carles Puigdemont Kataluniako presidente ohia eszeptizismo handiz mintzatu da. "Behin letra txikia irakurrita, tranpak" ikusi ditu, lege-erreforma horrek jasotzen dituen "intimidazio eta prestatzeko jarduera" hitzetan. Puigdemontek gogoratu duenez, Katalunian 2017ko urrian gertatutakoa Alemanian ez da delitua, "eta ez zigortzen ez 15, 5 edo urte erdiko zigor-espetxearekin".
ERC
Bestalde, Pere Aragones Generalitateko presidenteak balioan jarri du Pedro Sanchezek iragarritako sedizio delituaren erreforma. Nabarmendu duenez, "mugimendu independentistaren kontrako errepresioa eteteko pauso garrantzitsua da, desjudizializazioan aurrera egiteko pausoa".
Horren hitzetan, sedizio delitua zigor kodetik kentzearen erabakia Generalitatearen eta Espainiako Gobernuaren arteko akordio baten ondorio da. Argudiatu duenez, urriaren 1eko erreferendumagatik zigortutakoei lagunduko die erreformak: "Gorenak ebatzi zuen 2017ko gertakariak sedizioa zirela, ez desordena publikoak. Beraz, orain ez du iritziz aldatuko".
CUP
CUPek, berriz, Sanchezen "malabarismo jokoak garaipen politiko gisa saltzea" egotzi dio ERCri. ANCk eta Omnium Culturalek uste dute desordena publiko larrien delituak erabili daitekeela "independentismoaz haratago, disidentzia politikoaren kontra egiteko". Hori dela eta, lege-erreforma horren aurkako manifestazioa deitu du ANCk datorren abenduaren 6rako, Konstituzio egunean, alegia.
Zure interesekoa izan daiteke
Eusko Legebiltzarrak estrategia turistikoan jasangarritasunak "denean eragin" dezala eskatu du, eta baztertu egin du EH Bilduren proposamena
EH Bilduk udalen karga ahalmena neurtzeko eta turistifikazio maila sailkatzeko tresna zehatzak sortzea proposatzen zuen, baina mozioa atzera bota dute aurkako 46 boto (EAJ, PSE-EE, PP eta Vox) eta aldeko 27 (EH Bildu eta Sumar) jaso dituztelako.
Eneko Anduezak espero du Zapaterok justiziaren aurrean emango dituen "argudioak nahikoak izatea absoluziorako"
Eneko Andueza PSE-EEren idazkari nagusiak adierazi duenez, “espero” du Espainiako Gobernuko presidente ohi Jose Luis Rodríguez Zapaterok justiziaren aurrean emango dituen “argudioak nahikoak izatea absolbitu dezaten”. Bestalde, Bilbo eta Donostia 2030eko Munduko Txapelketaren egoitza izateko aukerari buruz agertu diren zalantzez, batez ere euskal erakundeen eta EAJren aldetik, Anduezak esan du “batzuei bertigoa sartu zaiela” ekitaldi hori antolatzearen inguruan, eta ez zaiola “epe laburreko errendimenduari” soilik begiratu behar.
Asensiok esan du "erabateko konfiantza" duela Zapaterorengan, eta auzipetze-autoan "susmoak" besterik ez daudela
Jose Ignacio Asensio Gipuzkoako PSE-EEren idazkari nagusiak Radio Euskadiko mikrofonoen aurrean adierazi du Jose Luis Rodriguez Zapaterorengan “erabateko konfiantza” duela. Halaber, auzipetze-autoan "frogarik ez" dagoela eta, une batzuetan, "errugabetasun printzipioa urratu egiten" duela ere esan du.
Jesus Eguiguren: "'Lawfare'a baino gehiago da, estatu kolpe bat martxan dago legegintzaldi guztian"
PSE-EEren presidente ohiaren arabera, Sanchezek Zapateroren "kolpea" ere gaindituko du eta legegintzaldiaren amaierara arte iraungo du.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
Rufianek hauteskunde batzuetan zerrendaburu izatea onartuko luke, horrek ezkerra batzen lagunduko balu
Gabriel Rufian ERCk Kongresuan duen bozeramaileak defendatu du ezker soberanistaren eta espainiarraren arteko hautagaitza baten buru izango litzatekeela, horrek "hauteskunde-emaitzak handitzen" lagunduko balu, eta "aurrera!" egiteko oihua egin du.
Chivitek, Esparzari: "Gauza bat da arazoak egotea, eta beste bat, osasun sistemaren egoera larria izatea"
UPNk eskatuta, Nafarroako Parlamentuko Foru Araubidearen Batzordean osasun sistemari buruzko azalpenak eman ditu Maria Chivite Foru Erkidegoko presidenteak. Osasunbidean "hobetzeko gauzak" badirela aitortu arren, egoera ez dela larria ziurtatu du. Javier Esparza UPNren parlamentariak, aldiz, behin eta berriz esan du egoera "oso larrian" dagoela osasungintza publikoa.
Feijook ez du zentsura-mozioa baztertzen, baina Gobernuaren bazkideei "pausoa emateko" eskatu die
Alderdi Popularraren presidentearen iritziz, "orain arte ikusi gabekoa da" Espainiako une honetako egoera politikoa. Haren ustez, 2018an PP Gobernutik bota zuten alderdiek "arrazoi gehiago dute orain" zentsura-mozioa babesteko.
EH Bilduk ere babestuko du Gipuzkoan zerga turistikoa ezartzea
EAJk eta PSEk Elkarrekin Podemosekin zeukaten akordioa lortuta EAEko hiru lurraldeetarako, eta bermatuta zegoen onartu egingo zela.
Espainiako Gobernuak uste du "juridikoki posible" dela Trebiñun erreferenduma egitea, baldin eta legezko urrats guztiak ematen badira
Angel Victor Torresek Mikel Legarda EAJren diputatuaren galderari erantzun dio Kongresuko Osoko Bilkuran. Gobernuak Trebiñuko enklabeko udalek hala eskatuz gero, Araban sartzeko erreferenduma baimenduko ote duen galdetu dio Legardak.