Garrido: "Egoak alde batera utzi, eta eskuzabal jokatu behar da politikan"
Pablo Iglesiasen eta Yolanda Diazen artean azken egunotan ika-mikak oso agerikoak izan badira ere, Podemos eta Sumar proiektuen arteko aliantza ez du kolokan ikusten Pilar Garrido Podemos Euskadiko koordinatzaileak eta Kongresuko diputatuak. Horren iritzian, bi proiektuon arteko batasuna posible izango da 2023ko hauteskundeetan, "alde bakoitzak bere espazioari eutsita". Hala, azaleratzen ari diren "desadostasun eta zailtasunak" edozein artikulazio prozesuren barruan "normaltzat" hartu behar direla ziurtatu du. "Garrantzitsuena elkarrekin aurrera egitea da, eta arduraz jokatzea. Helburua gehitzea eta batuta joatea da", esan du Radio Euskadiko "Boulevard" saioan.
Prozesu honetan Iglesiasek alboratu egin beharko ote lukeen galdetuta, Garridok adierazi du politikan "egoak eta pertsonalismoak" alde batera utzi behar direla beti, eta "eskuzabaltasunez" jokatu. Podemoseko buruzagi ohi garrantzitsuena izanda, "logikoa" iritzi dio Iglesiasek "bere lekua" izateari, baina "orain lidergoa Yolandari" dagokiola gaineratu du.
Halaber, azaldu du Estatu mailan alderdi morearen barruan izaten ari diren desadostasunek EAEko datorren urteko bozetan ez dutela eraginik izango. "EAJren alternatiba izango den proiektua posible dela transmititzeko gai izango garela uste dut".
Bestalde, datorren urteko aurrekontuen negoziazioa ere izan du hizpide, eta ez du baztertu Jaurlaritzarekin akordio batera iristea. "Bestela, ez genuke ahaleginik ere egingo", zehaztu du.
Azkenik, Madrilen asteburuan osasun publikoaren defentsan egindako mobilizazio erraldoiaren harira, Garridok esan du "Euskadiko eta Ayusoren ereduek antzekotasunak" dituztela. "Hemen ere pribatizazio prozesu betean gaude", amaitu du.
Zure interesekoa izan daiteke
Euskararen Legea eztabaidatzeko epea luzatzea eskatuko dio EAJk Eusko Legebiltzarreko mahaiari
Alderdi jeltzalearen esanetan, euskarak akordio bat behar du, "orain hori da garrantzitsuena", eta, akordio hori lortzeko beste alderdiekin negoziatzen hilabeteak daramatzan arren, denbora gehiago behar dutela onartu du. "Gure proposamenak euskararen erabilera sustatzea eta LEPa segurtasun juridikotik blindatzea du helburu", defendatu du.
Sanchez, Begoña Gomezen auzipetzeari buruz: "Ziur nago, denborak jarriko du bakoitza bere tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.
Kitchen auziko polizia-ikerketaren buruak esan du Barne Ministerioak Barcenasi kontrol "sakona" egin ziola, espetxean zela
Ministerio Fiskalak egindako galderei erantzunez, ikerketa polizialaren arduradunak azaldu du ikerketak argi utzi zuela Villarejok bi pertsonari ematen ziela auziari buruzko aurrerapausoen eta albisteen berri: Eugenio Pino zuzendari laguntzaile operatiboari eta "batez ere" Estatu idazkari ohi Francisco Martinezi.
Aitor Esteban: "Gauetik goizera Iparraldea ez da abertzale bihurtu; dinamikak oso ezberdinak dira, eta, askotan, pertsonalak"
Aitor Esteban EAJren EBBko presidenteak, ETB2ko En Jake saioan erantzun dio de Andres popularrari, esanez "PPk herri honetan zer gertatzen den jakin gabe" jarraitzen duela. Jeltzaleen buruak uste du "irakurketa erabat okerra" egitea dela "goizetik gauera Iparraldea abertzale" bihurtu dela pentsatzea. "Ez da hori kontua. Dinamika oso ezberdinak dira Iparraldean, eta askotan pertsonalak dira", ohartarazi du. Eta adierazi duenez, ezin zioten Jean-Rene Etchegarayri irabazten utzi, azken urteetako bere politikak "egokiak ez" zirela esan ostean eta Peio Etxalekurekin izandako "tentsioen" ondoren.
"Ezker erradikalari lekukoa ematea" egotzi dio Euskadiko PPk EAJri, eta horren adibide jarri du jeltzaleek Iriarti Iparraldean emandako babesa
Gasteizen egin duen prentsaurreko batean, Javier de Andres EAEko PPren presidenteak salatu du "ulertezina" dela EAJ "zentralitatean egotea eta haren botoak beti Bildun amaitzea", Alain Iriart (EH Bai) Euskal Hirigune Elkargoaren buru izateko EAJk emandako babesari aipamena eginda.
Begoña Gomez epaitzea proposatu du Peinado epaileak, lau delitu egotzita
Juan Carlos Peinado magistratuak auziaren instrukzioa itxitzat eman du, eta Pedro Sanchezen emaztea epaitzea proposatu du, lau delitu egotzita: eraginen trafikoa, ustelkeria negozioetan, ondasun publikoak bidegabe erabiltzea eta bidegabeko jabetzea. Halaber, bost eguneko epea eman die aldeei ondorioak aurkez ditzaten.
Otxandianoren arabera, Iparraldeko dinamika politikoak inspiragarriak izan beharko lirateke Hegoaldean
Pello Otxandiano EH Bilduren Eusko Legebiltzarreko bozeramailearen arabera, "herri honek behar du EAJ eta EH BIlduren arteko esparru bat, adostua".