EH Bildu: "Hezkuntza akordioa ez dago kolokan, datozen 12 urteotarako gidalerroak markatu baikenituen"
Ikoitz Arrese EH Bilduko legebiltzarkide eta koalizio subiranistako Hezkuntza idazkariak azpimarratu duenez, azken egunotan hezkuntza akordioaren inguruan sortu diren "tirabirak" gorabehera, ituna "ez dago kolokan". Izan ere, azaldu du apirilean lau alderdik (EAJ, PSE-EE, EH Bildu eta Elkarrekin Podemos) izenpetutakoak "datozen 12 urteotako gidalerroak markatu" zituela, "badu halako birtualitate bat", argudiatu du, eta beraz, "egun batetik bestera egon daitezkeen tirabirak ez dio eragingo akordio estrategiko bati".
Jaurlaritzak PP+Cs taldeari eskola pribatuetan 0-2 urteko gelak itunpetzeko egindako eskaintzak hautsak harrotu ditu akordioaren bi sinatzailerengan (Elkarrekin Podemos eta EH Bildu bera), eta biek ala biek agerraldia egin zuten atzokoan, "kezka, desadostasuna eta mesfidantza" agertzeko. Atzoko prentsaurrekoan adierazitakoak berretsi ditu gaur Arresek Euskadi Irratiko "Faktoria" saioan egin dioten elkarrizketan —Jaurlaritzari eta Elkarrekin Podemosi ere egin diete azalpenak emateko eskea, baina EH Bilduk bakarrik onartu du gonbita—.
Arreseren aburuz, gaiak "sosegua" behar du, eta eztabaidarako "marko egokiena" Hezkuntza Akordioaren jarraipen batzordea dela berretsi du. Atzo bertan egin zuten bilera eskaera, eta espero du, 10 egunen buruan edo, batzartuko direla. "Konpontzen ahaleginduko gara, akordioa nola garatu eta nola defendatu behar dugun, horri buruz bertan hitz egin beharko dugu", adierazi du.
EH Bilduk batzorde horretan duen ordezkariak esan du "ulergaitza" egiten zaiela hezkuntzako proposamen bat egitea akordiotik kanpo dagoen alderdi bati (PP+Cs), eta gainera, hezkuntza markotik kanpo (aurrekontuen negoziazioan) egitea. Gainera, nabarmendu duenez, kasu honetan "gauzen ordenak badu garrantzia. Lehenengo, Haurreskolen Partzuergoaren unibertsaltasuna eta doakotasuna bermatu behar da —2023ko irailerako dago aurreikusita—, eta ondoren, egin behar bada, 0-2 urteko gelen ituntzea".
Albiste gehiago politika
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.