Usansolo Bizkaiko 113. udalerria bihurtu da
Bizkaiko Batzar Nagusiek onartu egin dute Galdakaoko Udalak Usansolo udalerri independente bihurtzeko egindako eskaera. Gauzak horrela, Bizkaiko 113. udalerri bihurtu da Usansolo. Aurreikuspenak bete dira, eta testuaren alde egin dute EAJk, EH Bilduk eta Elkarrekin Bizkaiak; PPk abstentziora jo du, eta PSE-EEk, aldiz, kontra bozkatu du.
Osoko bilkura 09:00etan abiatu da, eta Elixabete Etxanobe Lurralde Politikako diputatuak (EAJ) defendatu du testua. Ondoren, taldeetako ordezkariek hartu dute hitza euren jarrera argitzeko.
Batzar Nagusietako Gobernu Onaren eta Gardentasun batzordeak Usansoloren bereizketa babestu zuen urriaren 11ko bilkuran, EAJren, EH Bilduren eta Ahal Duguren aldeko botoekin. PSE-EEk aurka bozkatu zuen, eta Talde Mistoak, ostera, abstentziora jo zuen.
Akordioaren xehetasunak
Udalerri berriaren mugak ezartzen dituen akordioaren arabera, Usansoloko Udalak 25 langilerekin ekingo dio bere jardunari. Usansolok 4.500 biztanle inguru ditu.
Usansolok bere hirigintza plana onartzen duen bitartean, Galdakaoko Udalak bere lurralderako onetsitakoa erabiliko du.
Usansolon dauden Galdakaoko ondasunak udal berriaren jabetzakoak izatera igaroko dira. Usansoloko Udalak hainbat zerbitzu kudeatuko ditu, hala nola argiteria publikoa, hiri-garbiketa, saneamendua, eta eraikin publikoak (tartean, liburutegia eta kiroldegia).
Halaber, beste zerbitzu batzuk elkarrekin kudeatuko dituzte: hilerria, Musika Eskola edo Euskaltegia.
Usansolo Galdakaotik bereizteko aldarrikapena historikoa da. Aurtengo martxoan Usansolon egindako herri galdeketan, parte hartzaileen % 81,5ek Usansoloren desanexioa babestu zuten.
Erabakiaren kontra, helegitea
Usansolok Bizkaiko Lurralde Mugapeei buruzko foru arauan ezarritako gutxieneko biztanleriaren baldintza betetzen du. Hots, 2.500 pertsona baino gehiago ditu erroldatuta (4.500 dira gaur-gaurkoz), baina ez da, ordea, Tokian Tokiko Erregimenaren Oinarrizko Legeak (Espainiako Estatuarena) ezarritako gutxienekora heltzen (5.000 biztanle).
Hori izan zen, hain justu, Itsasok (Gipuzkoa) lurraldeko 89. udalerria izateko topatu zuen traba. Ezkiotik banatzeko prozesua egin ostean, Gorenak hura baliogabetu zuen herriak "gutxieneko populazioa" izatearen legezko baldintza betetzen ez zuela argudiatuta.
Usansoloren kasuan ere, Espainiako Gobernuak erabakiaren kontrako helegitea aurkeztu lezake. Denis Itxaso EAEko ordezkariak azaldu duenez, Estatuko Abokatuak "arretaz eta patxadaz" aztertuko du udalerri berriaren sorrerak legea urratzen duen. Estatuak bi hilabeteko epea du horretarako. "Ez dugu eskopeta kargatuta ezta aurreiritzirik ere", esan du Itxasok.
Zure interesekoa izan daiteke
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.