Sanchezi gehiegizkoa iruditu zaio PPk Konstituzioaren aurka egitea
Pedro Sanchez Espainiako presidenteak, urteko kontrolerako azken saioan, PPri aurpegiratu dio "oso urruti" joan dela Konstituzioaren aurka eginda, Cuca Gamarra popularren bozeramaileari erantzunez. Azken horrek Sanchezi esan dio Carles Puigdemonten eta Oriol Junquerasen geroz eta antz handiagoa duela.
Konstituzionalak berak Auzitegi Konstituzionala berritzeko bide parlamentarioa eten ostean, Gamarrak ohartarazi du Sanchezek hasierako bideari eutsiko diola, "hainbat alderdirekin lege-proposamen berri bat negoziatzen ari delako". Hartara, Oriol Junqueras eta Carles Puigdemontekin erkatu du Sanchez.
Gamarraren iritziz, Sanchezek konplotak soilik ikusten ditu legaltasuna dagoen tokian, eta "bere arazoa da berori dela Estatua eta legea".
Akusazio horien aurrean, Sanchezek erantzun dio PPk nahieran interpretatzen duela Konstituzioa, "Parlamentua eta Gobernua herritarrek aukeratzen dutelako", baina "Botere Judizialaren Kontseilu Nagusia PPk hautatzen duelako".
ERCk laguntza eskaini dio Sanchezi
ERCren Kongresuko bozeramaile Gabriel Rufianek babesa eskaini dio Sanchezi, Auzitegi Konstituzionala berritzeko bidean.
Rufianek aurreratu du berak eta bere alderdikideek PSOEk aurki aurkeztuko duen lege proposamenaren alde egingo dutela, betiere Botere Judiziala eta demokrazia duintzeko balio badu, behintzat; "independentistak bai, baina demokratak ere bagarelako".
ERCko bozeramailearen hitzetan, Konstituzionalak bi zuzenketak atzera bota aurretik, bere alderdiak Gobernuari argi utzi zion "eskuindarren eraso judizialaren hurrengo biktima Gobernua bera izango zela".
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.