Otegi: "Epaileek Estatu kolpe antzeko bat eman dute"
EH Bilduko koordinatzaile nagusi Arnaldo Otegi Radio Euskadiko "Boulevard" saioan elkarrizketatu dute ostegun honetan, non, besteak beste, bolo-bolo dabilen Auzitegi Konstituzionalaren erabakiaz mintzatu den. Iragan astelehenean, Botere Judizialaren Kontseilu Nagusiak (BJKN) izendatzen dituen Auzitegi Konstituzionalerako bi hautagaiak aukeratzeko sistema aldatzeko bi zuzenketak Senatuan bertan behera uztea erabaki zuen Auzitegi Konstituzionalaren Osoko Bilkurak.
"Gertatu dena oso larria da. Batzuek sinestarazi nahi digute eztabaida juridiko baten aurrean gaudela, baina oker dabiltza. Gertatzen dena da ez direla frankismotik aldendu. Diktadura defendatzen zuten epaile asko demokrata bihurtu dira egun batetik bestera. Epaileek Estatu kolpe antzeko bat eman dute", esan du.
Ildo horretan, Espainiako presidente Pedro Sanchezen "B plana" babestuko duten ala ez galdetuta, Otegik adierazi du aztertu beharreko kontu bat dela: "Desblokeoa planteatzen badute, alde egingo dugu. PSOEri eskatzen diot arduraz, zuhurtziaz eta irmotasunez jokatzea, eskuindarrei aurre egiteko orduan. Demokrazian bizi nahi badugu, estatu propio bat lortu behar dugu", gaineratu du.
Gaia erabat aldatuta, EH Bilduko koordinatzaileak aurreratu du EAJk erabakitzeko eskubidearen inguruan aurkeztutako zuzenketari babesa eskainiko diotela, nahiz eta ez zaien jeltzaleen jokatzeko modua gehiegi gustatu.
Azkenik, "akordio handiak" eta "subiranotasuna" eskatu dizkio 2023ari. "Iruditzen zait horretarako gai izango garela, alegia, herri akordioak egongo direla. Oraindik ez dugu eztabaidatzen ikasi. Baten batek esango du nik neuk ere berandu ikasi dudala, eta baliteke arrazoia izatea. Dena den, agertoki demokratiko batean bizi nahi badugu, subiranotasuna berreskuratu behar dugu. Ezin gara egon beste alde batera begira", bukatu du.
Zure interesekoa izan daiteke
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.
27ek Makroeskualde Atlantikoa osatzeko estrategia eskatu diote Europako Batzordeari
Urteko azken goi-bileran bildutako estatuburu eta gobernuburuek 2027ko ekainerako estrategia hori garatzea eskatu dute. Imanol Pradalesek "urtetako lanaren, aliantzen eta lidergoaren emaitza" dela azpimarratu du.
Makroeskualde Atlantikoaren sorrerarako urratsak ematea eskatuko dute 27ek
Lehendakaritzan "baikor" daude baina "zuhurrak" izan nahi dute, "Euskadirentzat garrantzi handia duen" albiste hau baieztatu arte. Izan ere, Europar Batasuneko estatuburuak eta gobernuburuak Bruselan bilduta daude, urteko azken goi-bileran, gai nagusia Ukrainaren finantziazioa dutela. Hala ere, ondorioen zirriborroak beste puntu bat ere jasotzen du: Europako Batzordeari Makroeskualde Atlantikoa sortzea eskatuko diote.