Migratzaileak berehala itzularazteko Espainiaren politikak heriotzak eragin zituen, Human Rights Watchen ustez
Human Rights Watch gobernuz kanpoko erakundeak giza eskubideen inguruko urteroko txostena argitaratu du gaur goizaldean eta bertan dioenaren arabera, migratzaileak berehala Marokora itzularazteko Espainiako Gobernuaren politikak iaz heriotzak eragin zituen. Gutxienez, 23 pertsona hil ziren Melillako tragedian 2022ko ekainaren 24an.
Giza eskubideen aldeko erakundeak azpimarratu duenez, "gertakarien irudiek erakusten dute Marokoko polizia hesia eskalatzen ari diren pertsonak kolpatzen, eta Espainiako polizia gas negar eragilea erabiltzen eta Maroko kideekin batera lanean jendea bueltan bidaltzeko".
Espainiako agintariek "pertsonak Marokora modu laburtuan itzuli zituztela baieztatu zuten", azpimarratu du HRWk. Gobernuz kanpoko erakundeak ohartarazi duenez, "Espainiaren berehalako itzulketa politikak etorkinen heriotzak eragin zituen bere lurreko eta itsasoko mugetan".
"Kezkatuta gaude Espainiak nola kudeatu zuen gaia", eta "etorkizunean gerta daitekeenaz", adierazi dio munduan giza eskubideak zaintzen dituen erakundeko Europa eta Asia Zentraleko Hugh Williamson ordezkariak Efe agentziari.
"Garrantzitsua da Espainiak Marokora pertsonak berehala ez kanporatzea, asilo aukerak zorrotz aztertu ez baditu behintzat", gaineratu du Hugh Williamsonek.
Abenduan, Espainiako Fiskaltzak artxibatu egin zuen ekainaren 24an Melillako hesian izandako gertakarien ikerketa, Guardia Zibilaren jardunean delitu zantzurik atzeman ez zuelako.
Bestalde, Espainiako Gobernuko Barne ministro Fernando Grande-Marlaskak Diputatuen Kongresuan esan zuen inor ez zela hil Espainiako aldean eta Guardia Zibilak Melillako hesian egindako lan "neurrizkoa" izan zela.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.