'De Miguel' kasu gehiago daudela salatu du oposizioak baina kasu partikularra dela erantzun du EAJk
"Urteaz boterean egon ostean, EAJk ezarritako bezero-sarea" salatu dute EH Bildu, Elkarrekin Podemos-IU eta PP-Cs alderdiek Radio Euskadiko "Parlamento en las Ondas" irratsaioan izandako eztabaida politikoan, eta EAJrekin lotutako De Miguel bezalako beste ustelkeria kasu gehiago direla gaineratu dute.
Ustelkeria politikoagatik Arabako EAJren hiru buruzagi ohiei ezarritako zigorrak berretsi ditu Auzitegi Gorenak, De Miguel izenarekin ezaguna den auzian, eta gai hori hizpide izan dituzte Eusko Legebiltzarrean ordezkaritza duten alderdi guztiek.
EH BILDU
Iker Casanova EH Bilduko legebiltzarkidearen esanetan, frogatuta geratu da "EAJren goi-karguekin eta Arabako erakundeekin lotutako ustelkeria-sare bat" egon dela. Buruzagi abertzalearentzat, Euskadin ustelkeria jarrerak daude eta "hortik oso gertu dauden beste batzuk, esaterako, ate birakariak". "Norbait sailburu izateari utzi eta enpresa handi bateko zuzendari izatera pasatzen denean, zentzuzko zalantza dago hor", gaineratu du.
ELKARREKIN PODEMOS
Antzeko hitzekin mintzatu da Isabel Gonzalez Elkarrekin Podemoseko legebiltzarkidea, eta "ate birakariak" ere salatu ditu. "EAJri etiko iruditzen zaio De Miguel auzia salatu zuen pertsonak 12 urtez egotea kontratu publiko barik, auzipetuak sozietate publiko baten ordezkaritza-lanak betetzen egon diren bitartean?", galdetu du.
PP+Cs
Bestalde, Laura Garrido PP+Cseko legebiltzarkideak gogoratu duenez, "Euskadin inoiz izandako ustelkeria kasurik handiena" gertatu zenean, Iñigo Urkullu zen EBBko presidentea, hortaz, Alderdi Jeltzalea ezin da alboratu. "Non dago eroskeria ugari horren dirua? Non dago herritarrei lapurtutako dirua?", kritikatu du.
PSE-EE
Gobernu bazkide den PSE-EEk, Ekain Rico legebiltzarkideren ahotik, azpimarratu du ez dela "kasuari larritasunik kendu behar", eta agerian geratu dela "ustezko euskal oasia ez dela existitzen, eta ustelkeria ere izaten dela".
EAJ
Azkenik, Aitor Urrutia EAJren legebiltzarkideak aitortu du "mina" eragin diola De Miguel ustelkeria-kasu hori "EAJn jaio izanak, oso larria baita". Dena dela, kritikatu duenez, "askok uste zuten EAJren finantzazioa kolokan jartzeko modua zela, espioitza-kasuak eta 500 milioi baino gehiagoko kopurua aipatuta". "Frogatu da ez zegoela finantzazio irregularrik ezta aberaste bidegaberik, EAJren karneta zuten pertsonen ekintza irregularrak baizik", ondorioztatu du.
Zure interesekoa izan daiteke
PPk irabazi ditu Andaluziako hauteskundeak baina gehiengo absolutua galdu du
PPk 58 eserleku zituen eta 53 eskuratu ditu oraingoan, gehiengo absolutua baino bi gutxiago. PSOEk 28 diputatu lortu ditu, aurreko hauteskundeetan lortutako 30 diputatuak baino bi gutxiago. Vox izan da hirugarren indarra, 14 eserlekurekin, eta ezkerreko Adelante Andalucia laugarren, 2 eserlekutik 8ra igarota. Por Andalucia ezkerreko koalizioak zituen 5 eserlekuei eutsi die.
Inkesten arabera, gehiengo osoa lortuko luke Juanma Morenoren PPk Andaluzian
PPk 58 eserleku zituen orain arte, eta 56-59 artean eskuratuko lituzke, bakarrik gobernatzeko beharrezkoak diren 55 eserlekuen gainetik. PSOE jaitsi egingo da, 30etik 26-29ra.
Itunpeko ikastetxeen harira sortutako krisia bideratzen saiatzeko bilera egingo dute astelehenean Nafarroako Gobernua sustengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren eta UPNren lege proposamena atera zen aurrera.
Andaluziako parte hartzea % 52,14koa izan da 18:00etarako, 2022an baino 7,6 puntu handiagoa
6.812.902 andaluziar deitu dituzte Andaluziako hauteskunde autonomikoetan botoa ematera, 2022an baino 171.046 gehiago. Parlamentua 109 diputatuk osatuko dute, eta 25 alderdik eta 3 koaliziok aurkeztu dituzte hautagaiak.
Voxek salatu du Gasteizko bere egoitzari su ematen saiatu direla, harriak jaurti eta biharamunean
Azken orduetan jasandako bigarren erasoa da, Voxek salatu duenez. Larunbat goizaldean harriak jaurti zituzten Voxek Gasteizen duen egoitzako sarrerako atearen kontra.
Itxasok "zorroztasuna, umiltasuna eta memoria" eskatu dizkio EH Bilduri, etxebizitzaren inguruko proposamenen harira
Etxebizitza eta Hiri Agenda sailburuak "datu errealak" emateko eskatu dio koalizio abertzaleari, "azken hamarkadan Euskadik 15.000 etxebizitza babestu baino gehiago sustatu dituelako, eta ez 3.000, EH Bilduko zenbait buruzagik aste honetan bertan adierazi duten bezala".
Barkosek iritzi dio itunpekoen inguruko akordio politikoa izango litzatekeela "egokiena"
Zehaztu du Geroa Baik ez duela jarrera aldatu 2015etik, alegia, "gobernu plural eta aurrerakoi baten aldeko apustua" egiten jarraitzen duela, eta akordio programatikoa dela irtenbidea. "Horretan ari gara lanean, hezkuntza kalitatea hobetzeko eta euskararen alde egiteko", nabarmendu du.
Anduezak dio EH Bilduk ez duela erantzunik euskal herritarren lehentasunetarako, "marketin kanpaina asko egin arren"
Eneko Andueza PSE-EEko idazkari nagusiak esan du EH Bilduk ez duela erantzunik euskal herritarren lehentasunei eta beharrei erantzuteko, "marketin kanpaina asko egin arren". Gainera, koalizio soberanistari leporatu dio "diagnostiko eta plan asko egin arren, ezer gutxi egitea benetako herri proiektu bat falta zaielako". Anduezak baieztatu du koalizio subiranista espezialista dela arazoak konpondu beharrean areagotzen, zaborraren kudeaketarekin, atez-atekoarekin, egin zuten bezala.
Eusko Jaurlaritzak "kea saltzen" duela salatu du Sumar Mugimenduak, eta inkesta bat egingo du herritarren "kezkak jasotzeko"
Sumar Mugimenduak salatu duenez, Eusko Jaurlaritzak "dena ondo doala esaten digu, baina kea saltzen ari zaizkigu". Hori dela eta, euskal herritarren "benetako kezkak" jasotzeko inkesta ireki bat martxan jarriko dutela iragarri du.
EH Bilduk 60.000 etxebizitza mobilizatzea eta eraikitzea proposatu du hamar urtean, horietatik 30.000 berriak
Etxebizitzaren aldeko aliantza publiko-komunitario handia iradoki du, arrazoizko prezioak bermatzeko, euskal erakundeek, banku-fundazioek eta borondatezko gizarte-aurreikuspeneko erakundeek (BGAE) osatua, eta, horrela, Araban, Bizkaian eta Gipuzkoan etxebizitza publikoa sustatzeko.