Berdintasun Ministerioa 'bai bakarrik da bai' legearen "gutxieneko zigorrak ukitzeko" prest agertu da
'Bai bakarrik da bai' legea indarrean sartzeagatik sexu-erasotzaileei ezarritako zigorrak murriztearen ondorioz, arau berria erreformatzeko atea zabalik zegoela ematen zuen, baina asteetako negoziazioen ostean, ez dago akordiorik Espainiako koalizio Gobernuan, Unidas Podemosek Justizia Ministerioaren proposamena atzera bota baitu.
Edonola ere, Aner Uriarte Bilboko epaile dekanoak azaldu du 'bai bakarrik da bai' legearen erreforma soilik aplikatuko litzaiekeela erreforma onartu ostean delituak egiten dituztenei. ''Konponbidea gutxieneko zigorra igotzea litzateke'', erantsi du epaileak.
Ildo horretan, Berdintasun Ministerioak ziurtatu du prest dagoela Zigor Kodearen "gutxieneko zigorrak ukitzeko", betiere legean jasotako baimenean oinarritutako eredua ukitzen ez bada.
"Proposamenak aurkeztu ditugu, ezin dut zehaztu, baina zerikusia zuten bai zuzenbide iragankorraren indarraldiarekin, atariko tituluan izan zezakeen kokapenarekin, bai gutxieneko zigorren ukituren batekin, ihes egiten ari baitzaizkie gutxiengo bat direla azpimarratzen dugun epai horiek", azaldu du Victoria Rosell Genero Indarkeriaren aurkako Gobernuaren ordezkariak komunikabideei egindako adierazpenetan.
Gainera, Berdintasun Ministerioak proposatu du berehalako neurriak hartzea, 'Bai bakarrik da bai' legea indarrean dela sexu indarkeriaren biktimak babestuta egon daitezen. Izan ere, legea onartu zutenetik behar den moduan aplikatzeko ahaleginetan dabiltza, baina Justiziak zigorrak jaisteko hartutako zenbait erabakik kezka eragin dute.
Adituen arabera, eta Espainiako Gobernuak berak egiaztatu duenez, "ez da berrikuspenak eten ditzakeen zigor erreformarik existitzen, legea bera behar bezala aplikatu ez izanaren ondorio da".
Horregatik, uste dute irtenbidea dela berehalako neurriak hartzea, epaileak horretan espezializatu eta sexu indarkerian trebatze aldera. Neurri horiekin, halaber, emakumeen babesa indartu nahi dute.
PSOEk, ostera, "lehenbailehen" aurkeztuko du 'bai bakarrik da bai' legea erreformatzeko lege proposamena, "nahi gabeko ondorioei atea ixteko". Horretarako Unidas Podemos koalizio kideen babesa izatea espero du alderdiak. Hala adierazi du Pilar Alegria PSOEko Hauteskunde Batzordeko bozeramaileak, eta argi utzi du inola ere ez dutela legearen "bihotza" ukituko, emakumearen baimena alegia.
Ildo horretan, Felix Bolaños Presidentetza ministroak ziurtatu du Justizia Ministerioaren proposamen batean "zorroztasun osoz" heltzen zaiola legearen balizko erreformari, "nahi ez diren ondorioak arintzeko" eta etorkizunean ez errepikatzeko.
Moncloako iturrien arabera, aurreikusten den aukeretako bat da legea baino lehenagoko zigorretara itzultzea, baina Berdintasun Ministerioak uko egin dio aurreko eredura itzultzeari, eta ohartarazi du biktimak "froga kalbariora" itzultzea ekarriko lukeela.
Bolañosek, aldiz, ziurtatu du emakumearen baimenak arauaren "erdigunean" jarraituko duela. "Ezin dugu onartu epaiketetan emakumeei galdetzea nahikoa aurre egin zieten edo nola jantzita zeuden. Baimena nuklearra da", adierazi du.
Zentzu horretan, Ione Belarra Eskubide Sozialen eta Agenda 2030en ministroak emakumearen "baimenak Zigor Kodearen erdigunean" jarraitzea defendatu du. "Baimenak Zigor Kodearen erdigunean jarraitu behar du. Ezin dugu nahikoa aurre egin geniela edo ez dugula edan frogatzeko kalbariora itzuli", azpimarratu du Belarrak txio batean.
Azkenik, Alberto Nuñez Feijoo PPko buruak kritikatu egin du PSOEk eta Podemosek "desadostasunak" izaten jarraitzea, eta Pedro Sanchez Espainiako gobernuburuari bere alderdiaren botoak eskaini dizkio arau hori aldatzeko.
Horren harira, Feijook PPren Batzorde Exekutiboaren aurrean nabarmendu du "bermatu" egiten duela legea "berehala" aldatzeko babesa, Ministroen Kontseiluan edo Diputatuen Kongresuan lege-erreforma hori aurrera ateratzeko UPren aldeko botoak izan ala ez.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.