Abortuaren gaineko eztabaida hasiko du Konstituzionalak, abstentzioak eta errekusazioak tarteko
13 urtez bazter egon ostean, Auzitegi Konstituzionalak astearte honetatik aurrera helduko dio Abortuaren Legearen aurka PPk aurkeztutako helegiteari, abstentzioak eta errekusazioak tarteko. Araua aldatzea ekar lezake eztabaidak, nahiz eta progresisten gehiengoa kontra azaldu den.
Konstituzionala berritu zutenetik bertan egingo duten lehen saio garrantzitsua da, eta aurreikusi dutenez, gutxienez, ez da asteazkenera arte hasiko. Izan ere, gaurko honetan abstentzioei eta errekusazioei bide eman nahi diete.
Horrela, modu batean edo bestean arau haren tramitazioan parte hartu zuten lau magistraturi eragiten diete abstentzioek eta errekusazioek: Candido Conde-Pumpido, Juan Carlos Campo, Inmaculada Montalban eta Concepcion Espejel.
Espejel eta Montalban Botere Judizialaren Kontseilu Nagusiko kide ziren legeari buruzko txostena idatzi zutenean; Conde-Pumpido, berriz, fiskal nagusi zen txostena bidali zutenean, eta Campo Justizia, Estatu idazkari.
Gaur arte, ordea, Espejelek soilik eman du bere abstentzioaren berri, eta badirudi Montalbanek eta Conde-Pumpidok ez dutela gauza bera egiteko asmorik, akordio eza ekar lezakeelako. Haatik, Espejelen erabakiak ondorioak izan ditzake, bereziki Montalbanentzat, egoera berean dagoelako.
Abstentzioez gain, PPko bost diputatu ohiren errekusazioak ere daude mahai gainean. Iturri juridikoen arabera, dena den, errekusazio horiek ez dute bidea "oztopatuko", hori gertatzeko beharrezkoa delako helegile guztiek errekusatzea.
Behin kontu horiek guztiak argituta, eztabaidari ekingo dio Enrique Arnaldo kontserbadoreak. Haren iritzian, gai bakarra da Konstituzioaren kontrakoa: emakumeek abortatu aurretik jasotzen duten informazioa arautzen duena. Horregatik, kontzientzia eragozpena, abortua praktikatuko duten osasun langileei ez ezik, abortatu nahi duten emakumeekin aurretik hitz egiten dutenei ere aplikatzea proposatu du.
Gehiengo progresistak (zazpitik lauk) 2010ean Jose Luis Rodriguez Zapateroren gobernuak bultzatutako Abortuaren Legeari erabateko babesa emateko asmoa du, gertuko iturrien arabera.
Hori gertatzen bada, bi agertoki posible daude: Arnaldok gehiengoaren nahia onartzea edo ponentziari uko egin eta araua beste magistratu batek idaztea.
Zure interesekoa izan daiteke
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.