Euskararen zonifikazioaren kontra protesta egin dute Mañerun
Mañeruko Udalak eta Hordago! herri ekimenak elkarretaratzea egin dute larunbat honetan, Nafarroako Parlamentuak herria eremu mistoan sartzeari ezezkoa eman izana salatzeko.
Parlamentuak Mañeruarren eskaerari uko egin izanak agerian utzi du "beste behin ere euskararen zonifikazioak ez duela ez hankarik ez bururik, ez dela inolako irizpide soziolinguistikoren araberakoa, eta ez dituela betetzen Euskararen Legeak berak ezartzen dituen funtsezko helburuak, botere publikoek Nafarroan euskararen berreskurapena eta garapena babestea, alegia", salatu dute elkarretaratzean.
Mañerurekin muga egiten duten udalerri gehienak eremu mistoan daudela gogorarazi dute eta ez dagoela inolako argudiorik Mañeruk urrats hori ezin emateko.
"Gaur Mañerun elkartu garen pertsonak euskaldunak gara, edo gure seme-alabak D eredura edo A eredura eramaten ditugu, edo helduaroan euskara ikasten ari gara, edo ikasteko asmoa dugu, edo, besterik gabe, aurreko ezer ez bada ere, euskara Nafarroaren parte da, eta, horregatik, ozen eta argi aldarrikatzen dugu euskara Nafarroa osoko hizkuntza dela, Cortesetik Berara; Vianatik Gardera; Altsasutik, Iruñetik eta Tuteratik igarota; Mendialdetik, Erdialdetik, Erribera osora. Eta, beraz, Mañeru Nafarroa bada, euskara Mañeruko hizkuntza ere bada" adierazi dute ohar batean.
1986an onartutako Euskararen Legeak Nafarroa hiru eremutan banatu zuen, eta horren arabera, "hizkuntza-eskubideak batzuk edo besteak izango zirela erabaki zen, edo, besterik gabe, ez zirela izango, bizi zaren Nafarroako eskualdearen arabera" salatu dute, "Lege hark eremu ez-euskalduna izeneko eremu bat sortu zuen, eta izenetik bertatik argi uzten zituen bere asmo baztertzaileak".
Gauzak honela, Mañeruko herritarren nahia errespetatzeko eskatu dute berriz ere eta zonifikazioaren eredua gainditzeko baldintzak eraikitzeko urratsak ematera deitu dute.
Albiste gehiago politika
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.
Sarek eta Bilboko Konpartsek 'Bizkaiko Etxera Eguna' deitu dute abuztuaren 22rako Bilbon
Aste Nagusiarekin batera, ETAko preso, iheslari eta deportatuen itzulera eskatzeko manifestazioak, bazkari herrikoiak eta kontzertuak izango dira. Antolatzaileek gogorarazi dute gizarteak "gatazkaren zauri mardulenak gainditu" dituela eta "badela garaia 'Etxera' aldarria erreibindikazio izatetik lorpen izatera pasatzeko".
Luberrik Bilboko Konpartsek berriz "baztertu" dutela salatu du, "irizpideak bete arren"
Gazte Koordinadora Sozialistarekin (GKS) lotutako konpartsak jarduerak egingo ditu Aste Nagusian, "normaltasunez parte hartu" ezin duela agerian uzteko eta "bere espazioa" eskatzeko.
Covitek jaietan ETAko presoen aldeko pankartak agertu izana salatu du
Bilboren kasuan, Txoribarrote konpartsak "pankarta handi bat" zabaldu izana kritikatu du Covitek, "Euskal preso eta iheslariak etxera" aldarria idatzita duena. Donostiako Udalak kendu egin ditu hiriko ikastetxe publiko bateko fatxadan zeuden pankartak
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.