Jaurlaritzak barkamena eskatu du Azpiazuren ETAri eta euskal ekonomiari buruzko adierazpen polemikoengatik
Pedro Azpiazu Ekonomia sailburuak aste honetan egindako adierazpenek hautsak harrotu zituzten; izan ere, haren aburuz, ETAren jardunak ez zuen "aparteko eraginik" izan euskal ekonomian, eta "drama pertsonala izan zen, ekonomikoa baino gehiago". Orain, Alderdi Popularrak eta Covite biktimen elkarteak gaitzetsi egin dituzte adierazpenok, eta Eusko Jaurlaritzak barkamena eskatu du.
Polemika baretu asmoz, Jaurlaritzak argitu nahi izan du Pedro Azpiazuk ez zuela ETAren eragina murriztu nahi izan, eta barkamena eskatu du.
Azpiazu berak, bestalde, ostiralean ñabartu nahi izan zuen terrorismoa "elementu negatiboa" izan zela, "argi eta garbi", baina euskal ekonomiak "erresilientzia erakutsi" zuela horren aurrean. Gaur, berriz, bere egin ditu Zupiriaren hitzak, Twitterren adierazi duenez.
Iñigo Urkullu lehendakariak ukatu egin du Azpiazuk terrorismoak euskal ekonomian duen eragina "murriztu" izana, eta berretsi egin du bere gobernuaren konpromisoa eta "gizon eta emakume enpresariek, goi-zuzendariek, exekutiboek eta profesional sozio-ekonomikoek pairatutako sufrimenduaren" aitortza.
Kritikak, sektore desberdinetatik
Denis Itxaso Espainiako Gobernuak EAEn duen ordezkariak gogor kritikatu ditu Azpiazuren adierazpenak, eta bere "memoria hauskorra" aurpegiratu dio.
Carlos Iturgaiz EAEko PPko presidenteak, bestalde, gogorarazi dio "ehunka enpresaburu" joan behar izan zirela Euskaditik ETAren mehatxuengatik eta estortsioagatik, eta "beste askori ez ziela maletak egiteko denborarik eman, etakideek garondoan tiro egin zietelako".
Covite terrorismoaren biktimen elkarteak "faltsutzat eta lotsagabetzat" jo ditu sailburuaren adierazpenak, eta "zuzentzeko" eskatu dio.
Erreakzio kate horren ostean iritsi da Eusko Jaurlaritzaren barkamena, Bingen Zupiria sailburuaren ahotan.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.