Sarek eta Etxeratek presoei "legedi arrunta" aplikatzea eskatu dute, "salbuespenezko legerik gabe"
Sare herritarren sareak eta Etxerat ETAko presoen senideen elkarteak presoei "legedi arrunta" aplikatzea" eta "salbuespenezko legeak desagertzea" eskatu dute.
Joseba Azkarraga (Sare) eta Jose Morales (Etxerat) bozeramaileek Espainiako Gobernuak ETAko presoei ezarritako urruntze politikaren amaiera baloratu dute igande honetan Gasteizen emandako prentsaurreko batean.
35 urteko dispertsioaren ostean "lanak emaitza" eman duela uste dute, eta gogora ekarri dituzte bisitan zihoazela errepidean hildako senideak eta lagunak.
Etorkizunari dagokionez, "presoak, errefuxiatuak eta deportatuak etxera itzultzeko prozesuan eragitea" eskatu dute, "legeak aurreikusten duen ibilbidearekin bat eginez", eta legedi arrunta aplikatzea eta "presoei jartzen dizkieten oztopoak saihestea" eskatu dute.
Era berean, "bigarren graduan egonda baimen asko ukatzea" eta hirugarren graduan 33 preso egotea kritikatu dute, "110 izan beharko liratekeenean". "Graduen atzerakadak izaten ari dira oraindik, eta salbuespenezko legeek indarrean jarraitzen dute", esan dute.
Bestalde, Azkarragaren ustez, autokritika "ez zaio alde bati bakarrik eskatu behar", "guztiok" egin behar dugu.
"Estatu terrorismoak eragindako 5.000 tortura, eskubide urraketa eta heriotza baino gehiago izan direla ahaztu nahi dutenei buruz ari naiz", esan du.
Erreakzioak
Dispertsioaren amaiera mintzagai izan du Fernando Buesa Fundazioak ere, eta sare sozialen bidez adierazi duenez, "bidegabea eta onartezina da hil, bahitu, mindu eta estortsioa egin zutenak modu akritikoan tratatzea", eta aitortu du "gizatasun zantzu, enpatia adierazle, zuzenketa mezu edo damu keinuren bat" ETAko presoetan aurkitzeko irrikitan daudela.
"ETAko presoen gerturatzea aldarrikatzea beti zilegia iruditu zaigu. Baina hil, bahitu, mindu eta estortsioa egin zutenak modu akritikoan tratatzea bidegabea eta onartezina da. Biktimentzat eta euren familientzat ez duzue hitz bat ere izan", deitoratu du Fernando Buesa Fundazioak.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".