Artolazabalek gainditu egingo lituzke Urtaranen emaitzak Gasteizen; EH Bildu bigarren lekura igoko litzateke
EAJk irabaziko lituzke maiatzaren 28ko udal hauteskundeak Gasteizen, botoen % 25,6 eta 8 zinegotzi eskuratuta. Hori horrela, Beatriz Artolazabal hautagai jeltzalea izango litzateke alkate, Gorka Urtaran udal agintari ohiaren emaitzak gaindituta, EITB Focus makroinkestaren arabera.
EITB Focus inkesta berezia Euskal Autonomia Erkidegoan inoiz egindako handiena da, eta udal eta foru hauteskundeak egiteko bi hilabete falta direnean egin dute. Hauteskunde horietan, boto-emaileek Batzar Nagusietako eta udaletako ordezkariak hautatuko dituzte, eta horiek ahaldun nagusiak eta alkateak izendatuko dituzte gero.
PDFa: EITB Focus, EAEko 11 udalerritan boto asmoari buruzko inkesta
Duela lau urte, EAJk bozen % 23,8 eta 7 zinegotzi lortu zituen Gasteizen. Dena dela, aurtengo balizko zortzigarren ordezkaria zalantzan dago, boto gutxitara baitago lehia.
EITB FOCUS
Bestalde, EH Bilduk aurrea hartuko lioke PSE-EEri, eta bigarren indar bihurtuko litzateke, % 22,3ko babesarekin (azken hauteskundeetan baino 1,6 puntu gehiago). Koalizio abertzaleak 6 zinegotzi izango lituzke, orain arte bezala, baina aukerak izango lituzke zazpigarrena bereganatzeko.
Bigarren lekutik hirugarrenera Alderdi Sozialista jaitsiko litzateke. Hain zuzen ere, zinegotzi bat eta 2,3 puntuko babesa galduko lituzke, orotara 5 ordezkari lortuta, baina baliteke seigarrenari eustea.
PPk mantendu egingo lituzke egungo 5 ordezkariak (botoen % 18,3 jasoko lituzke, 2019an baino 0,3 puntu gutxiago), eta Elkarrekin koalizioak (Podemos Euskadi, Ezker Anitza-IU, Berdeak Equo eta Aliantza Berdea alderdiek osatzen dute) eutsi egingo lieke Elkarrekin Podemosen 3 zinegotziei.
Azkenik, Arabako Batzar Nagusietan ez bezala, Voxek urrun izango luke ordezkaritza izatea Gasteizko Udalean, bozen % 2,8 izango bailituzke. Horren ildotik, kontuan izan behar da Batzar Nagusietan gutxienez botoen % 3 eskuratu beharra dagoela, baina langa hori % 5ekoa dela udaletan.
Metodologia
EAEn, 6.649 pertsona elkarrizketatu dituzte udal eta foru hauteskundeei buruzko EITB Focus berezia prestatzeko. Horietatik, 1.543 Araban izan dira; 2.483, Bizkaian, eta 2.623, Gipuzkoan. Nafarroan, aldiz, 1.204.
Inkestak otsailaren 27a eta martxoaren 17a bitartean egin zituzten EAEn, eta otsailaren 22a eta 27a bitartean Nafarroan.
Konfiantza mailari eta beste hainbat adierazle estatistikori buruzko informazio sakonagoa ezagutzeko, kontsultatu ikerketaren PDFa.
Zure interesekoa izan daiteke
Lehendakariaren dekalogoa energia krisiaren kontrako neurrietan jaso izana baloratu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (arantzelarioa eta energetikoa) jasan duten industria-enpresentzako neurri espezifikoak hartzea.
EAJ "pozik" krisiaren aurkako neurriekin, baina EH Bilduren ustez, "ez da nahikoa"
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu nahi, eta Podemosek salatu du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.