Araba: EAJk hobetu egingo lituzke emaitzak eta Ramiro Gonzalezek gertu izango luke hirugarren agintaldia
EAJk irabaziko lituzke Arabako Batzar Nagusietarako hauteskundeak, duela lau urteko emaitzak hobetuta eta bigarren indarrarekiko (EH Bildu) aldea areagotuta, EITB Focus makroinkestaren arabera.
Horren ildotik, Ramiro Gonzalez hautagai jeltzaleak, hots, egungo hiru ahaldun nagusietatik berriz ere hautagai den bakarrak, gertu izango luke bere hirugarren agintaldia.
Euskadin inoiz egindako inkesta handiena da EITB Focus, eta maiatzaren 28ko udal eta foru hauteskundeak egiteko bi hilabete baino ez direnean falta egin dute.
EITB FOCUS
Hain zuzen ere, EAJk botoen % 31,7 eskuratuko lituzke Araban, 2019an baino 2 puntu gehiago, eta, horrenbestez, 19 batzarkide izango lituzke, bi gehiago. Bigarrena, hori bai, boto gutxiko aldearekin.
EH Bildu izango litzateke bigarren indarra, eta boto-portzentajeari begiratuta, koalizio abertzaleak hazkunde handiena izango luke (bozen % 23,6 jasoko lituzke, azken hauteskundeetan baino 2,5 puntu gehiago). Hala, 13 eserleku lortuko lituzke, egun baino bat gehiago.
EITB FOCUS, Batzar Nagusiak, inkesta osoa (PDFa)
Hirugarren lekuan, PSE-EEk botoen % 18 jasoko lituzke, 2019an baino puntu bat gutxiago, eta eserleku bat galduko luke. Hori dela eta, 9 izango lituzke guztira, baina hamargarrenari eusteko aukerak ere izango lituzke, azken diputatu hori zalantzan dagoelako.
Jaitsiera handienak PPk eta Elkarrekin Podemos koalizioak (Podemos Euskadi, Ezker Anitza-IU, Berdeak Equo eta Aliantza Berdea alderdiek osatzen dute) izango lituzkete.
Alderdi Popularraren kasuan, jaitsiera eserleku batekoa izango litzateke (7 izango lituzke), eta 1,3 puntukoa boto-portzentajean (% 13,8 maiatzean eta % 15,1, 2019an).
Koalizio ezkertiarrak, bere aldetik, hiru ordezkari lortuko lituzke, egun baino bat gutxiago, baina botoetan are handiagoa izango litzateke galera, boto-emaileen % 8,6k (1,4 puntu gutxiago) egingo luketelako haren alde, duela lau urte % 10 izan ondoren.
Azkenik, Voxek puntu bateko hazkundea izango luke, boto guztien % 2,4 eskuratuta, eta gertu izango luke eserleku bat izatea, hasiera batean ordezkaritzarik izango ez lukeen arren.
Balorazioa
Arabako hautagai ezagunena Iñaki Oyarzabal (PP) da, herritarren % 58,1ek ezagutzen baitute. Aitzitik, balorazio txarrenetakoa ere badu, batez beste 3,1eko nota eman baitiote.
Bigarrena Ramiro Gonzalez jeltzalea da (% 55,4ko ezagutza eta 5,6ko nota), eta hauek daude ondoren: Cristina Gonzalez sozialista (% 42,85eko ezagutza eta 4,9ko nota); Eva Lopez de Arroyabe, EH Bildukoa (% 39,5eko ezagutza eta 5,8ko balorazioarekin); Amaia Martinez, Voxekoa (% 34,5eko ezagutza eta 1,4ko nota); eta David Rodriguez, Elkarrekin Podemosekoa (% 30,4ko ezagutza eta 4,3ko nota).
Metodologia
EAEn, 6.649 pertsona elkarrizketatu dituzte udal eta foru hauteskundeei buruzko EITB Focus berezia prestatzeko. Horietatik, 1.543 Araban izan dira; 2.483, Bizkaian; eta 2.623, Gipuzkoan. Nafarroan, aldiz, 1.204 elkarrizketa egin dituzte.
Inkestak otsailaren 27a eta martxoaren 17a bitartean egin zituzten EAEn, eta otsailaren 22a eta 27a bitartean Nafarroan.
Konfiantza mailari eta beste hainbat adierazle estatistikori buruzko informazio sakonagoa ezagutzeko, kontsultatu ikerketaren PDFa.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.