Bizkaia: EAJk gehiengo osoa lortuko luke 40 urtean lehen aldiz
EAJk gehiengo osoa lortuko luke Bizkaiko Batzar Nagusietarako hauteskundeetan, 40 urtean lehen aldiz, eta, ondorioz, Elixabete Etxanobe hautagai jeltzalea izango litzateke ahaldun nagusia, EITB Focus makroinkestaren arabera.
Euskadin inoiz egindako inkesta handiena da EITB Focus, eta maiatzaren 28ko udal eta foru hauteskundeak egiteko bi hilabete baino ez direnean falta egin dute.
Inkesta horren arabera, EAJk 26 batzarkide lortuko lituzke Bizkaian, hau da, duela lau urte baino bat gehiago, eta haren boto-portzentajea ia bi puntu haziko litzateke, 2019ko % 43,5etik aurtengo % 45,4ra.
EITB FOCUS
Bigarren lekua EH Bilduk izango luke, urrun, baina hori bai, 2019ko emaitzak aise hobetuta. Hain zuzen ere, 12 ordezkari eskuratuko lituzke (2 gehiago), eta botoen % 22,6 (2,7 puntu gehiago). Hazkunde handiena izango lukeen indar politikoa izango litzateke koalizio abertzalea.
PSE-EEk eutsi egingo lioke egungo ordezkari kopuruari (8), baina boto-portzentaje txikiagoarekin: % 15,4, duela lau urteko % 16,6ren aurrean.
EITB FOCUS, Batzar Nagusiak, inkesta osoa (PDFa)
Elkarrekin koalizioak (Podemos Euskadi, Ezker Anitza-IU, Berdeak Equo eta Aliantza Berdea alderdiek osatzen dute) bi batzarkide galduko lituzke (4 izango lituzke, eta orain arte 6 izan ditu Elkarrekin Podemosek). Orotara, boto-emaileen % 8,4k bozkatuko lukete koalizio ezkertiarraren alde (duela lau urte, % 10,6k egin zuten).
PP izango litzateke Bizkaiko Batzar Nagusietan ordezkaritza izango lukeen azken alderdia, eserleku bakarra eskuratuta (2 lortu zituen 2019an).
EITB FOCUS
Balorazioa
Oro har, Bizkaiko herritarrek balorazio positiboa eman diete hautagai gehienei. Hori bai, gutxi ezagutzen dituzte.
Hori horrela, nota altuena Elixabete Etxanobe EAJko zerrendaburuari eman diote (6,2), baina Iker Casanova (EH Bildu) ezagunagoa da. Hain zuzen ere, hautagai jeltzalea boto-emaileen % 31,2k ezagutzen dute, eta abertzalea, % 33,9k. Azken horren kasuan, balorazioa 5,9koa da.
Gainerako ahaldungai nagusiei dagokienez, Teresa Laespada PSE-EEko hautagaiak % 25eko ezagutza maila du, eta 5eko nota; Eneritz de Madariagak (Elkarrekin) % 22,9 eta 4,9; urrunago, Raquel Gonzalezek (PP), % 18,7 eta 2,9; eta Niko Gutierrezek (Vox), % 14,1 eta 2.
Bihar, udal hauteskundeak
Asteartean, EITB taldeko hedabideek EITB Focus makroinkestaren hirugarren zatia publikatuko dute, udal hauteskundeetarako boto aurreikuspenekin.
Bizkaiko hauteskundeetarako aurreikuspenei dagokienez, Bilbo, Barakaldo, Getxo eta Basauriko emaitzak eskainiko dituzte.
Metodologia
EAEn, 6.649 pertsona elkarrizketatu dituzte udal eta foru hauteskundeei buruzko EITB Focus berezia prestatzeko. Horietatik, 1.543 Araban izan dira; 2.483, Bizkaian, eta 2.623, Gipuzkoan. Nafarroan, aldiz, 1.204.
Inkestak otsailaren 27a eta martxoaren 17a bitartean zituzten EAEn, eta otsailaren 22a eta 27a bitartean Nafarroan.
Konfiantza mailari eta beste hainbat adierazle estatistikori buruzko informazio sakonagoa ezagutzeko, kontsultatu ikerketaren PDFa.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.