PSOEk bultzatutako "Bai bakarrik da bai" legearen erreforma onartu du Diputatuen Kongresuak
PSOEk bultzatutako "bai bakarrik da bai" legearen erreforma onartu du gaur Espainiako Diputatuen Kongresuak, aldeko 233 botorekin (PP, EAJ, Cs, PdeCat, UPN eta CC), aurkako 59 botorekin eta 4 abstentziorekin (Junts). Voxek ez du bozketan parte hartu.
09:00etan hasi den eztabaidan, Irene Montero Berdintasun ministroak akordioa lortzeko borondate falta egotzi dio PSOEri, eta koalizio gobernuak erantzun bateratua ez ematea deitoratu du. Horren esanetan, "bere aukeren gainetik" bilatu du ituna Unidas Podemosek. "Gaur gutxiengoan geratzen gara, lanean jarraituko dugu, aurrera egitea baita feministok egiten dakiguna", gaineratu du.
Irene Monterok berretsi du erreformak ez duela balioko dagoeneko murriztu diren zigorrak lehengoratzeko, eta PPk aldaketa zergatik babestu duen galdetu dio PSOEri. Berdintasun ministroaren iritziz, PPk aldeko botoa ematen badu izango da emakumeen eskubideentzat "aurrerapausoa" baino "atzerapausoa" delako.
Berdintasun ministroak adierazi du gaurkoa dela Kongresuan bizi izan duen egunik "zailena", urte askotako borroka behar izan delako "onespena erdigunean jartzeko" eta lege horren aurkako erreakzioak "atzera-buelta" bat eragin duelako orain.
Andrea Fernandez PSOEko Berdintasun idazkariak bere hitzaldian aitortu du aho gustu "gazi-gozoa" duela PPrekin adostu behar izan dutelako legearen erreforma. Edonola ere, "bai bakarrik da bai" legea eraberritzeko beharra defendatu du, eta ziurtatu du "zuzenketa tekniko batzuk" egin direla, baina ez duela onespenaren definizioa aldatzen.
ERCk eta EH Bilduk, Unidas Podemosek bezala, PSOEren erreformak onespena arauaren erdigunetik kenduko duela salatu dute. Pilar Vallugera ERCko diputatuaren arabera, "paradigma hori aldatu behar genuen eta zuek atzera itzuli duzue". Bel Pozueta EH Bilduko diputatua ildo beretik aritu da: "Askeak eta eskubideen jabeak izan nahi dugulako, onespena ez da ukitzen".
Mikel Legarda diputatuak EAJren aldeko botoa defendatu du. Horren hitzetan, sortutako "alarma soziala" konpontzera dator erreforma. Hala ere, onartu du etorkizunera begira egindako zerbait dela eta ez duela jada egin dena desegingo. "Sentitzen dugu zuen eskaerei lehenago erantzun ez izana", erantsi du.
Albiste gehiago politika
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.
Espainiako Gobernuari 10 dokumentu helaraziko dizkiotela azpimarratu du Ubarretxenak, urtea amaitu baino lehen "Estatutua ixteko"
Eusko Jaurlaritzako Gobernantza, Administrazio Digital eta Autogobernu sailburuak azpimarratu du datorren astean joango direla Madrilera, aireportuen transferentziari buruz hitz egiteko. Era berean, urtea amaitu baino lehen Estatutua "itxiko" litzatekeela azpimarratu du: "Estatuak orain arte ez digu denbora gehiago eskatu", esan du. Jatorrizko adierazpenak, gaztelaniaz, Radio Euskadiko elkarrizketatik.
Arnaldo Otegi, elkarrizketa nazionalaz: "Guk ez ditugu galdera guztien erantzunak, eta jendearekin bilatu nahi ditugu erantzun horiek"
Otegik adierazi du “oso baiztapen sakona, eta termino politikoetan oso garrantzitsua” izan zela Imanol Pradalesek autogobernurako garai ilunak etor daitezkeela esatea. Koalizioaren koordinatzaile nagusiak azpimarratu du “hain zuzen ere, garai ilun horiek ez etortzeko, edo etortzen badira aurre egiteko prest agertu" direla.
EAJk Parisen berreskuratu duen eraikina jeltzaleena izatea "sinesgaitza eta okerra" dela esaten jarraitzen du PPk
Aitor Esteban EAJko presidenteak larunbatean Parisen egindako ekitaldietan esandako "irainei" erantzun die Partidu Popularrak ohar baten bidez, zalantzan jarri du berriro eraikin hori EAJrena izan izana, eta Eusko Jaurlaritzarena zela defendatu du.
EAJk martxan dauden akordio prozesuekin bat egiteko eskatu dio Otegiri, eta "mundua ez da gelditzen" ohartarazi dio
Iñigo Ansola BBBko presidentearen arabera, Euskadiren aldeko "akordioak martxan daude", eta "aukerak sortu behar ditugu". EH Bilduko buruzagiari eskatu dio atzerapenik gabe egin dezala bat hasitako akordio prozesuekin.
Eba Blancok uste du Pradalesen estatus berrirako proposamena "berandu" datorrela, eta 2026ko ekainerako "gutxienekoen akordioa" eskatu du
EAko buruaren esanetan, 2026ko ekainean "ezin gara balorazioak egiten aritu", "2027an aukera historikoaren leihoa ixteko arriskua dagoelako", Eusko Legebiltzarraren osaketa alda dezaketen balizko hauteskundeetan.
PP eta Espainiako Gobernua aurrez aurre, eskumuturreko telematikoak direla eta
Iaz, tratu txarrak ematen dituztenentzako eskumuturrekoak kudeatzen dituen enpresa aldatu zenean, akats informatikoak izan ziren, eta, ondorioz, epe mugatu batean, erasotzaileen kokapenari buruzko informazioa galdu zen.
Honelakoa da EAJk berreskuratutako eraikin ikonikoaren barrualdea
EITBk Paris erdialdeko Marceau etorbideko 11. zenbakian dagoen eraikin sinbolikoaren barrualdea bisitatu du. Erbesteko Eusko Jaurlaritzaren egoitza izan zen eraikina "justizia eta memoria historikoa konpontzeko ekintza gisa" berreskuratu izana pozik hartu dute jeltzaleek.