Hauek dira uztailaren 23ko hauteskunde orokorretarako epe garrantzitsuenak
Pedro Sanchez Espainiako Gobernuko presidenteak hauteskunde orokorrak aurreratuko dituela iragarri du astelehen honetan. Hori dela eta, herritarrak uztailaren 23an dira aurten bigarrenez bozkatzekoak. Hedabideen aurrean egindako agerraldi labur batean, igandeko udal eta foru hauteskundeen emaitzak aztertu ditu Sanchezek, eta hauteskunde orokorrak aurreratzea erabaki du.
Horrela, hitzordu berrirako atzerako kontaketa martxan da jada, eta, dagoeneko, hauteskunde-kanpaina abian jartzeko prozesua ere abiatu da; izan ere, diputatu eta senatari berriak aukeratzeko epeak finkatuta daude.
Zeintzuk dira epeak?
Lehenik eta behin, Espainiako Gorte Nagusiak desegin behar dira, Felipe VI.a Espainiako Estatuko erregeari erabakia jakinarazi ondoren. Hala, Ministroen Kontseiluaren bilera deitu du Sanchezek astelehen arratsalderako, eta bertan aho batez hartu dute erabakia, ofizialki.
Erabakia gaur, asteartea, argitaratu da Estatuko Aldizkari Ofizialean, BOEn, errege-dekretu bidez. Hala, uztailaren 23ko hauteskunde orokorrak egiteko 54 eguneko atzerako kontaketa hasiko da.
Hautagai-zerrendak 15-20 eguneko epean aurkeztu beharko dira Hauteskunde Batzordean. Alabaina, alderdiak koalizioan aurkezten badira, epe hori 10 egunekoa izango da.
Horrela, hauteskunde-deialdia egin eta 28 egunera, onartutako zerrendaburuen behin betiko izenak argitaratuko ditu BOEk, zerrendetan egon daitezkeen irregulartasunak aztertzeko epe labur baten ondoren.
Testuinguru horretan, hauteskunde-kanpaina onartutako zerrendaburuen berri eman eta 10 egunera hasiko da, eta 15 egun iraungo du guztira. Ohi bezala, botoa eskatzeko azken eguna bozketaren aurreko eguneko gauerdian izango da, eta horrek hausnarketa-egunari emango dio bidea.
Sanchezek hitzordua aurreratu duenez, dekretuan hauteskundeak noiz egingo diren zehaztu behar du. Hain zuzen ere, errege-dekretua BOEn argitaratuta zehaztuko dute noiz izango diren hauteskundeak (alegia, 54 eguneko epean); kasu honetan, uztailaren 23an.
Hauteskunde orokorrak lehenengoz egingo dira udan, uztailean. Opor garaia izanik, ziurrenik, nolabaiteko eragina izango du posta bidez botoa emateko eskaeretan. Hala, ekainaren hasieratik, boto-eskubidea baliatzeko aukera eskatu ahalko da, Correoseko edozein bulegotan aurrez aurre edo webgunean.
Albiste gehiago politika
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.
Espainiako Fiskaltzak Israelek Gazan egindako "krimenak" ikertuko ditu
Alvaro Garcia Ortiz Espainiako fiskal nagusiak Zigor Kodearen "urraketa larriak" aipatzen ditu, genozidioa eta gizateriaren aurkako delituak tartean.
Pradales: "Europak autonomia politikoa irabazi eta lidergo etikoa ezarri behar du"
"Europako eredua definitzen duten balioak defendatzearen" alde egin du lehendakariak Politika Orokorreko Osoko Bilkuran. "Orain da momentua. Amaitu da guztiak pozten saiatzeko denbora ", gaineratu du.