Koldo Mediavilla: "Ez daukagu akordiorik PPrekin, ez publikoan ezta pribatuan ere; akordioa EAJ-PSE da"
Radio Euskadiko Ganbara saioan elkarrizketatuta, Koldo Mediavilla Euzkadi Buru Batzarreko arduradun instituzionalak argi utzi nahi izan du ez dutela akordiorik Alderdi Popularrarekin: "Ez daukagu akordiorik PPrekin, ez publikoan ezta pribatuan ere,batzuk hori zabaldu nahian ari badira ere. Akordioa bitara da, EAJren eta PSEren artekoa bakarrik eta hori garatuko dugu hiru lurraldeetan".
Hori bai, "elkarrizketetan" ari direla popularrekin gehitu du, "alderdi guztiekin bezala". Laguardia eta Labastidako alkatetzei dagokienez, -PP izan da bozkatuena-, ez du argitu EAJk hautagaitza aurkeztuko duen ala ala: "Araba Buru Batzarrak erabakiko du".
Bestalde, zerrenda bozkatuena izan den lekuetan, EH Bilduri agintea kentzeko, "akordio baztertzaileak" egin izana egotzi zion koalizio independentistak EAJri, eta hori ere kritikatu du Mediavillak: "legezkotasun falta besteetan baino ez dute ikusten". "Duela lau urte haiek gauza bera egin zuten Arrigorriagan, Galdakaon edo Durangon, legezkotasun berdinarekin. Orain Iruñeko udaletxean ere egin dute, eta horretan ez dute arazorik ikusten".
M28ko emaitzen inguruan autokritika ere egin du Mediavillak. "Hainbat baldintzen ondorioa izan da", adierazi du. "Batetik, gobernuan dagoen alderdi politikoarekiko nekea egon da; orain arte hori ekiditen lortu dugu, baina azken bi hauteskundeetan jarraian boto-fideltasun horretan galera izan dugu orohar herrialde osoan", esan du; "eta bestetik, azken urteetan izandako arazo sozialak" aipatu ditu, hala nola, pandemia, krisi social eta ekonomikoa edo Ukrainako guerra.
Zure interesekoa izan daiteke
Eusko Legebiltzarrak estrategia turistikoan jasangarritasunak "denean eragin" dezala eskatu du, eta baztertu egin du EH Bilduren proposamena
EH Bilduk udalen karga ahalmena neurtzeko eta turistifikazio maila sailkatzeko tresna zehatzak sortzea proposatzen zuen, baina mozioa atzera bota dute aurkako 46 boto (EAJ, PSE-EE, PP eta Vox) eta aldeko 27 (EH Bildu eta Sumar) jaso dituztelako.
Eneko Anduezak espero du Zapaterok justiziaren aurrean emango dituen "argudioak nahikoak izatea absoluziorako"
Eneko Andueza PSE-EEren idazkari nagusiak adierazi duenez, “espero” du Espainiako Gobernuko presidente ohi Jose Luis Rodríguez Zapaterok justiziaren aurrean emango dituen “argudioak nahikoak izatea absolbitu dezaten”. Bestalde, Bilbo eta Donostia 2030eko Munduko Txapelketaren egoitza izateko aukerari buruz agertu diren zalantzez, batez ere euskal erakundeen eta EAJren aldetik, Anduezak esan du “batzuei bertigoa sartu zaiela” ekitaldi hori antolatzearen inguruan, eta ez zaiola “epe laburreko errendimenduari” soilik begiratu behar.
Asensiok esan du "erabateko konfiantza" duela Zapaterorengan, eta auzipetze-autoan "susmoak" besterik ez daudela
Jose Ignacio Asensio Gipuzkoako PSE-EEren idazkari nagusiak Radio Euskadiko mikrofonoen aurrean adierazi du Jose Luis Rodriguez Zapaterorengan “erabateko konfiantza” duela. Halaber, auzipetze-autoan "frogarik ez" dagoela eta, une batzuetan, "errugabetasun printzipioa urratu egiten" duela ere esan du.
Jesus Eguiguren: "'Lawfare'a baino gehiago da, estatu kolpe bat martxan dago legegintzaldi guztian"
PSE-EEren presidente ohiaren arabera, Sanchezek Zapateroren "kolpea" ere gaindituko du eta legegintzaldiaren amaierara arte iraungo du.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
Rufianek hauteskunde batzuetan zerrendaburu izatea onartuko luke, horrek ezkerra batzen lagunduko balu
Gabriel Rufian ERCk Kongresuan duen bozeramaileak defendatu du ezker soberanistaren eta espainiarraren arteko hautagaitza baten buru izango litzatekeela, horrek "hauteskunde-emaitzak handitzen" lagunduko balu, eta "aurrera!" egiteko oihua egin du.
Chivitek, Esparzari: "Gauza bat da arazoak egotea, eta beste bat, osasun sistemaren egoera larria izatea"
UPNk eskatuta, Nafarroako Parlamentuko Foru Araubidearen Batzordean osasun sistemari buruzko azalpenak eman ditu Maria Chivite Foru Erkidegoko presidenteak. Osasunbidean "hobetzeko gauzak" badirela aitortu arren, egoera ez dela larria ziurtatu du. Javier Esparza UPNren parlamentariak, aldiz, behin eta berriz esan du egoera "oso larrian" dagoela osasungintza publikoa.
Feijook ez du zentsura-mozioa baztertzen, baina Gobernuaren bazkideei "pausoa emateko" eskatu die
Alderdi Popularraren presidentearen iritziz, "orain arte ikusi gabekoa da" Espainiako une honetako egoera politikoa. Haren ustez, 2018an PP Gobernutik bota zuten alderdiek "arrazoi gehiago dute orain" zentsura-mozioa babesteko.
EH Bilduk ere babestuko du Gipuzkoan zerga turistikoa ezartzea
EAJk eta PSEk Elkarrekin Podemosekin zeukaten akordioa lortuta EAEko hiru lurraldeetarako, eta bermatuta zegoen onartu egingo zela.
Espainiako Gobernuak uste du "juridikoki posible" dela Trebiñun erreferenduma egitea, baldin eta legezko urrats guztiak ematen badira
Angel Victor Torresek Mikel Legarda EAJren diputatuaren galderari erantzun dio Kongresuko Osoko Bilkuran. Gobernuak Trebiñuko enklabeko udalek hala eskatuz gero, Araban sartzeko erreferenduma baimenduko ote duen galdetu dio Legardak.