Nafarroako Parlamentuak Geroa Bairen presidente batekin abiatuko du gaur XI. Legealdia
Nafarroako Parlamentuaren XI. Legealdia gaur hasiko da, Foru Ganbera eratzeko bilkurarekin, eta, aurreikuspenen arabera, Geroa Baik proposatzen duen hautagaia izango da Parlamentuko presidente.
50 parlamentariek (15 UPNk, 11 PSNk, 9 EH Bilduk, 7 Geroa Baik, 3 PPNk, 2 Nafarroa Zurekinek eta 2 Voxek) egingo duten lehen bileran, datozen lau urteetarako erakundearen Presidentetza eta Mahaia hautatuko dira.
PSNk, Geroa Baik eta Zurekin Nafarroak akordioa itxi zuten Uxue Barkosen alderdiak Parlamentuko presidentea aukeratzeko eta "indar aurrerakoiak" Mahaian ordezkatuta egoteko. Unai Hualde Ganberako jarduneko presidentea aukeratu du Geroa Baik karguan errepikatzeko.
Hasiera batean, Emilio Jimenez (Vox) parlamentari zaharrenak zuzenduko du Ganbera osatzeko saioa, eta idazkari gisa Kevin Lucero (PSN) eta Irati Jimenez (EH Bildu) izango ditu, bi parlamentari gazteenak. Guztiek Adineko Mahaia osatuko dute, Parlamentuko Mahaia hautatu arte.
Ganberako presidenteak bilkura irekitzat joko du, eta abokatu nagusiak deialdiari buruzko Foru Dekretua, foru parlamentari hautetsien zerrenda eta ebazteke dauden hauteskunde-auzietako helegiteak irakurriko ditu, horien ebazpenak eragin ditzakeen parlamentariak zerrendatuz.
Une oro Nafarroako foru araubidea errespetatzeko, Konstituzioari eta legeei men egiteko eta karguari dagozkion betebeharrak zintzoki betetzeko zina edo promesa egin ondoren, Parlamentuko Mahaia osatu behar duten kideak hautatuko dira. Mahaia presidente batek, bi presidenteordek eta bi idazkarik osatuko dute.
Inbestidura
Ganbera eratu eta hurrengo hamar egunen barruan, presidenteak kontsulta egin behar die Parlamentuan ordezkaritza duten alderdi edo talde politikoek izendatutako bozeramaileei, eta Foru Erkidegoko presidente izateko hautagai bat proposatu behar du, gutxienez hiru egun lehenago osoko bilkura bat deituz.
Nafarroako Parlamenturako hauteskundeak egin (maiatzak 28) eta hiru hilabeteko epean presidentegairik aurkezten ez bada edo aurkeztutakoetatik bat ere hautatua izan ez bada, Ganbera desegingo dute, eta berehala deituko dira hauteskundeak.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.