Osatuta geratu dira Arabako Batzar Nagusiak, Irma Basterra jeltzalea presidente dela
XII. legegintzaldiko Arabako Batzar Nagusiak gaur geratu dira eratuta, Irma Basterra jeltzalea presidentea dela. M28ko foru hauteskundeen ondotik, osatzen lehenak izan dira Arabako Batzar Nagusiak (Bizkaikoan, hilaren 22an egingo dute bilkura, eta Gipuzkoan zehazteke dago data).
Horrenbestez, EAJren esku jarraituko du Batzar Nagusietako Presidentetzak. Jeltzaleek irabazi zituzten hauteskundeak, 15 batzarkide eskuratuta (2019an baino 2 gutxiago). EH Bildu izan zen bigarren, 14 ordezkarirekin (+2), eta PSE-EE hirugarren, 9 batzarkiderekin (-1). Elkarrekin Podemosek 3 eserleku lortu zituen (-1), eta Vox bertan sartu zen, ordezkari batekin.
Hiru bozketa egin behar izan dituzte. Lehenengoan, Basterrak bildu ditu boto gehien, bere alderdiak emandakoez gain, PSE-EEren botoak eskuratu baititu. Aiarako EAJren zerrendaburua eta orain arte Lurralde Orekako diputatu izan da Basterra. EH Bilduk bere hautagaiaren alde egin du, Elkarrekin Podemosen babesarekin. PPk zuri bozkatu du.
Bigarrenean, Presidenteordetzak aukeratzeko, Eva Jimenez (PSE-EE) eta Nerea Martinez (EH Bildu) izan dira bozkatuenak. Hirugarrenean, amaitzeko, Jose Damian Garcia (Elkarrekin Podemos) eta Miguel Garnica (PP) hautatu dituzte idazkari.
Aurreko Mahaian ez bezala, Elkarrekin Podemosek ordezkaria izango du erakundean. Hori horrela, Vox ez beste taldeek izango dute lekua Arabako Batzar Nagusietako Mahaian.
Bizkaia
Bizkaian, berriz, ekainaren 22an, ostegunarekin, osatuko dira Batzar Nagusiak, 10:00etan hasita, eta Ana Otadui jeltzaleak jarraituko du bertan presidente izaten. Lurralde horretan, mahaiburua gehiengo osoz aukeratzen da lehen bozketan. Inork lortu ezean, bozketa errepikatuko da boto gehien lortu dituzten bi hautagaietako bat hautatzeko, eta boto gehien jasotzen dituen pertsona hautatuko dute presidente.
Bi presidenteordeak aldi berean aukeratuko dira. Ahaldunek izen bat idatziko dute boto-paperean, eta hurrenkera korrelatiboan hautatuko dira boto gehien lortzen dituzten bi pertsonak. Idazkariak hautatzeko, formula bera erabiliko da.
Presidenteak Batzar Nagusiak behin betiko eratutzat jo ostean amaituko da osoko bilkura, eta beste osoko bilkura bat egingo da ordubete geroago, Bateraezintasunen Behin-behineko Batzordea izendatzeko. Horrez gain, ahaldun nagusia izendatzeko osoko bilkura iragarriko da.
Gipuzkoa
Gipuzkoaren kasuan, oraindik ez dago datarik hurrengo legegintzaldia abiatzeko, maiatzaren 28ko hauteskundeetan hautatutako batzarkideek oraindik ez baitituzte akreditazioak jaso. Bitartean, EAJk eta PSE-EEk koalizio gobernua osatzeko negoziazioak azkartu dituzte. Bi alderdiek proposamen bat egin diete gainerako taldeei, eta Batzar Nagusietako Presidentetza EH Bilduri eskaini diote, indar bozkatuena baita. Planteamendu horren arabera, talde guztiek izango lukete ordezkaritza Mahaian, handienetik txikienera; beraz, lehen presidenteordea EAJrentzat izango litzateke, bigarrena PSE-EErentzat, eta bi idazkariak, PPrentzat eta Elkarrekin Podemosentzat.
Proposamena ez du begi onez hartu EH Bilduk. Maddalen Iriarte Gipuzkoako ahaldun nagusigaiak atzo sare sozialetan zabaldutako mezu labur batean esan zuenez, PP Mahaian sartzea "EAJren eta PSE-EEren arteko akordioaren lehen ondorio politikoa da".
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.