Guillermo Presa Podemosen Gasteizko idazkari nagusia izango da Sumarren zerrendaburua Araban
Guillermo Presa Podemosek Gasteizen duen idazkari nagusia izango da azkenean Sumar mugimenduaren zerrendaburua Araban, Roberto Uriarte Unidas Podemoseko Bizkaiko diputatuak uko egin ondotik.
Koalizio moreak ohar baten bidez azaldu duenez, zuzendaritzak bera aukeratu du Kongresurako Arabako hautagai gisa, eta Pilar Garrido Gipuzkoako zerrendaburu.
Bere izendapena ezagutu ostean, agerraldia egin du Guillermo Presak Gasteizko Plaza Berrian. Adierazi duenez, "ohorea" eta "erronka pertsonala" da diputatugai izatea. "Erronka handia daukagu lortu ditugun aurrerapenak blindatzeko, hala nola eskubide feministak eta LGTBIren aldekoak, gutxieneko soldataren igoera edo lan eskubideak", esan du.
Halaber, "eskerrak" eman dizkio azken legegintzaldietan Juantxo Lopez de Uralderi "egindako lanagatik" eta Podemosen zuzendaritzari bera hautagai proposatzeagatik.
Podemosi zegokion Arabako eta Gipuzkoako zerrendaburuak hautatzea
Uztailaren 23ko hauteskundeetarako erdietsitako koalizio akordioaren arabera, Euskadiko Podemosi zegokion Arabako eta Gipuzkoako zerrendaburuak izendatzea, eta Sumarri berari Bizkaikoa. Larunbatean jakinarazi zuten nor hautatu duten: Lander Martinez, koalizio moreko idazkari nagusi izandakoa.
M28ko udal hauteskundeetan Podemosen hautagaitzan hirugarren izan zen Presa. Goi Mailako Musika graduatua eta saxofoi-jotzailea, gaur-gaurkoz Dulantziko Udal Musika Eskolan irakasle da. Gasteizko Udal Musika Bandako kide ere izan da.
Bestalde, Pilar Garrido Euskadiko Podemoseko idazkari nagusia berriro izango da Gipuzkoako zerrendaburu. Aurreko legegintzaldian, Kongresuko Aurrekontuen Batzordeko
presidentea izan da, eta Unidas Podemoseko bozeramailea Etxebizitza arloan. Aurretik, Podemosen senataria izan zen.
Uriarteren agurra
Presaren aukeraketa Roberto Uriarte Unidas Podemoseko diputatuaren ezezkoaren ondotik etorri da. Uriartek "arrazoi pertsonalak" argudiatu ditu zerrendaburu ez izateko.
Twitterren duen profilean eskegitako bideo batean azaldu duenez, Podemosen eta Sumarren eskaintzari uko egin dio, eta bere "betiko lanera" itzuliko dela iragarri du (Zuzenbide Konstituzionaleko irakaslea da EHUn). Bere agurrean, Yolanda Diazi "aukera bat" emateko eskatu die herritarrei, Diaz baita, horren ustez, "berme bakarra ezegonkortasun eta naturaren kontrako itunetara ez itzultzeko".
Zure interesekoa izan daiteke
Euskararen Legea eztabaidatzeko epea luzatzea eskatuko dio EAJk Eusko Legebiltzarreko mahaiari
Alderdi jeltzalearen esanetan, euskarak akordio bat behar du, "orain hori da garrantzitsuena", eta, akordio hori lortzeko beste alderdiekin negoziatzen hilabeteak daramatzan arren, denbora gehiago behar dutela onartu du. "Gure proposamenak euskararen erabilera sustatzea eta LEPa segurtasun juridikotik blindatzea du helburu", defendatu du.
Sanchez, Begoña Gomezen auzipetzeari buruz: "Ziur nago, denborak jarriko du bakoitza bere tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.
Kitchen auziko polizia-ikerketaren buruak esan du Barne Ministerioak Barcenasi kontrol "sakona" egin ziola, espetxean zela
Ministerio Fiskalak egindako galderei erantzunez, ikerketa polizialaren arduradunak azaldu du ikerketak argi utzi zuela Villarejok bi pertsonari ematen ziela auziari buruzko aurrerapausoen eta albisteen berri: Eugenio Pino zuzendari laguntzaile operatiboari eta "batez ere" Estatu idazkari ohi Francisco Martinezi.
Aitor Esteban: "Gauetik goizera Iparraldea ez da abertzale bihurtu; dinamikak oso ezberdinak dira, eta, askotan, pertsonalak"
Aitor Esteban EAJren EBBko presidenteak, ETB2ko En Jake saioan erantzun dio de Andres popularrari, esanez "PPk herri honetan zer gertatzen den jakin gabe" jarraitzen duela. Jeltzaleen buruak uste du "irakurketa erabat okerra" egitea dela "goizetik gauera Iparraldea abertzale" bihurtu dela pentsatzea. "Ez da hori kontua. Dinamika oso ezberdinak dira Iparraldean, eta askotan pertsonalak dira", ohartarazi du. Eta adierazi duenez, ezin zioten Jean-Rene Etchegarayri irabazten utzi, azken urteetako bere politikak "egokiak ez" zirela esan ostean eta Peio Etxalekurekin izandako "tentsioen" ondoren.
"Ezker erradikalari lekukoa ematea" egotzi dio Euskadiko PPk EAJri, eta horren adibide jarri du jeltzaleek Iriarti Iparraldean emandako babesa
Gasteizen egin duen prentsaurreko batean, Javier de Andres EAEko PPren presidenteak salatu du "ulertezina" dela EAJ "zentralitatean egotea eta haren botoak beti Bildun amaitzea", Alain Iriart (EH Bai) Euskal Hirigune Elkargoaren buru izateko EAJk emandako babesari aipamena eginda.
Begoña Gomez epaitzea proposatu du Peinado epaileak, lau delitu egotzita
Juan Carlos Peinado magistratuak auziaren instrukzioa itxitzat eman du, eta Pedro Sanchezen emaztea epaitzea proposatu du, lau delitu egotzita: eraginen trafikoa, ustelkeria negozioetan, ondasun publikoak bidegabe erabiltzea eta bidegabeko jabetzea. Halaber, bost eguneko epea eman die aldeei ondorioak aurkez ditzaten.
Otxandianoren arabera, Iparraldeko dinamika politikoak inspiragarriak izan beharko lirateke Hegoaldean
Pello Otxandiano EH Bilduren Eusko Legebiltzarreko bozeramailearen arabera, "herri honek behar du EAJ eta EH BIlduren arteko esparru bat, adostua".