Bermeoko Alkatetza airean, Asier Larraurik dimisioa eman ostean
Bermeoko Alkatetza airean dago, larunbatean udala osatu eta Asier Larrauri EH Bilduko alkateak dimisioa eman ostean. Izan ere, Larrauri alkate egiteko botoak eman zituzten bi taldeek, EH Bilduk berak (5 zinegotzi) eta Guzan plataforma independenteak (4 ordezkari), alkatea euren taldekoa izan behar dela defendatzen dute.
Asier Larraurik ez du, oraingoz, bere dimisioa ofizialki aurkeztu. Legearen arabera, idatziz egin beharra dauka. Pentsatzekoa da une batetik bestera egingo duela, eta behin dimisioa ofizialki aurkezten den unetik 10 eguneko epea dago alkate berria aukeratzeko.
Bart gauean EH Bilduk ohar bidez jakinarazi duenez, Bermeoko kideek Nadia Nemeh Shomaly, zerrendako bigarrena, alkategai aukeratu dute asanblada bidez.
Koalizio abertzaleak "irmoki" adierazi du bi indarrek sinatutako akordioa defendatuko duela, hots, "EH Bilduko hautagai bat izatea Bermeoko alkatetza izango duena". Halaber, horren arabera, bien arteko ituna "Bermeok behar duen aldaketari aurre egiteko proiektu bateratuen beharrizanagatik sortu zen".
Guzan plataforma independenteak bestelako iritzia du. Herri plataformako iturriek Euskadi Irratiari adierazi diotenez, akordioaren arabera, Asier Larraurik izan behar zuen alkate eta Xabier Ortuzar independenteak alkateorde.
Plataformaren hitzetan, udal hauteskundeetan ez da marka edo alderdia bozkatzen, hautagaia baizik, eta, beraz, alkatea Larrauri izango ez bada, Ortuzarri dagokio aginte makila hartzea, eta, hortaz, ez dute beste aukerarik onartuko.
Testuinguru horretan, pilota EH Bilduren teilatuan dagoela esan du, eta koalizio subiranistak bi alderdien arteko akordioa bete ezean, alkatetza EAJk hartuko duela esan diote Euskadi Irratiari plataformako iturriek.
Arnaldo Otegi EH Bilduko koordinatzaile nagusiaren esanetan, Larrauriren dimisioa "ohoragarria" da. Ildo horretatik, dimisioa aurkeztu ostean, "zentzuz" akordio bat lortzea espero du, herri horretan "gehiengo alternatiboa" sendotzeko.
EAJk irabazi zituen Bermeoko udal hauteskundeak, 8 zinegotzi eskuratuta. EH Bilduk 5 eskuratu zituen, eta Guzan herri plataformak, 4.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen. Hazte Oir elkarteak Sortu salatu du, gorroto delitua, sentimendu erlijiosoen aurkako delitua eta terrorismoa goratzea egotzita.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".