Feijook polemika piztu du, posta bidezko botoen inguruan zalantzak hauspotuz
Alberto Nuñez Feijoo PPren hauteskunde orokorretarako hautagaia Correoseko langileei zuzendu zaie, eta posta bidez emandako botoak "goizez, arratsaldez eta gauez" entregatzeko deia egin die, "euren nagusiek esaten dutena esaten dutela ere". Adierazpenok polemika piztu dute, posta bidezko botoen inguruko zalantzak hauspotzea dakartelako.
Gainera, Espainiako Gobernuko presidente bihurtuko balitz, langile horien aparteko orduak ordainduko lituzkeela esan du Feijook.
PPren hautagaiak Murtzian esan ditu hitzok, Jose Maria Aznar Espainiako Gobernuko presidente ohiarekin batera egindako mitin batean.
Adierazpen horiek polemika sortu eta Correosen erantzuna eragin dute. Bere burua defendatu du esanez beharrezko aurrekontu-partidak dituela aparteko ordu guztiak ordaintzeko, eta dagokion nominan ordainduko direla.
Correosek ohar batean adierazi duenez, "herrialdeko erakunde eta zerbitzu publikoak ahuldu nahi dituzten eztabaidetatik kanpo egon nahi du". "Correosek bere langile guztien profesionaltasuna defendatzen du, baita bere historian, hiru mende baino gehiagotan, zehar garatu dituen zerbitzuena ere".
Halaber, Espainian posta bidezko botoa emateko prozesua "segurua" dela diote, eta gogorarazi dute Hauteskunde Batzorde Zentrala, erakunde independentea, arduratzen dela prozesua ikuskatzeaz eta herritarrentzako berme guztiekin egiten dela ziurtatzeaz.
"Espainian posta bidezko botoa ezarri zenetik, Correoseko profesionalek harrotasunez eta dedikazioz egin dute lan hori, horrek dakartzan betebeharrak jakinda. Correoseko 45.000 langile baino gehiagoren profesionaltasunean ez dago zalantzarik", azpimarratu dute.
Espainiako Gobernutik, Felix Bolaños Presidentetzako ministroak adierazi du Feijoo "arkume-larruz jantzitako ultra" bat dela, ultrak bakarrik "Espainiako hauteskunde-sistema bezain bermatzailea" eta posta bidezko botoa zalantzan jartzeko kapaz direlako.
NATOk Vilnan (Lituania) egin duen goi-bileraren osteko prentsaurrekoan egindako adierazpenetan, Feijooren hitzak PPk legealdian zehar egin dituen "manipulazioen" barruan kokatu ditu Pedro Sanchez Espainiako Gobernuko presidente eta PSOEko hautagaiak.
Feijooren adierazpenen berri ez zuela onartu arren, azken urteetan gezurretan, manipulazioetan eta gaiztakerietan oinarritutako oposizioa jasan duela adierazi du sozialistak. Ildo horretan, PPko buruzagiaren hitzak "manipulazioan" kokatu ditu, "jendeak erakundeetan duen konfiantza ahultzen baitute".
Zure interesekoa izan daiteke
EAJk salatu du pintaketak agertu direla Mendaroko batzokian
Pintura beltza baliatuz, besteak beste, "EAJ español. Faxistak kanpora!" idatzi dute pintaketa horietan, baita igitaiaren eta mailuaren irudia egin ere.
Omenaldia egin diete Gerra Zibilean hildako Iruñeko zinegotzi eta udal langileei
Gerra Zibilean fusilatu zituzten Iruñeko udal beharginei omenaldia egin diete gaur haien senitartekoek Nafarroako hiriburuan, eta gertatu zenari buruz kontatutakoa "gezurra" dela esan dute ekitaldian. "Ez da egia gerran denok galdu genuela, irabazleak egon baitziren. Horregatik, egia, justizia eta ordaina aldarrikatzen jarraituko dugu", azpimarratu dute.
Alain Iriart hautatu dute Euskal Hirigune Elkargoko lehendakari
Hiriburuko (Lapurdi) ezker abertzaleko auzapeza bederatzi urtez lehendakari izan den Jean-Rene Etchegarayri gailendu zaio. Bigarren bozketan lortu du Iriartek Lehendakaritza, aurrenekoan ezein hautagaik ez baitu gehiengo osorik lortu. Iriartek alkate izateari utziko diola iragarri du, Elkargoan buru-belarri aritzeko.
Jean-Rene Etchegaray eta Alain Iriart, Euskal Hirigune Elkargoko lehendakari izateko borrokan
Bi hautagaiek bildu dituzte boto gehien lehen bozketan: Etchegarayk 99 eta Iriartek 80. Etxeleku jeltzalea eta Lesellier eskuin muturreko hautagaia ez dira bigarren bozketara aurkeztu, eta lehenengoak iragarri du Iriarten alde egingo duela.
Frantziako Fiskaltzak bete beharrekoa ez den bost urteko zigorra eskatu du Josu Urrutikoetxearentzat
Frantziako estatutik behin betiko kanporatzeko ere eskatu du fiskalak; defentsak, berriz, ez kanporatzeko deia egin du. Auzia epaiaren zain geratu da. Uztailaren 2an emango dute jakitera.
Sanchezek eskatu du EB-Israel akordioa bertan behera uzteko, eta Netanyahuk Espainia kanporatu du Gazarako koordinazio zentrotik
Espainiako Gobernuko presidenteak ohartarazi du Israel nazioarteko zuzenbidea "nabarmen" urratzen ari dela Palestinan eta Libanon. Israelgo lehen ministroak, bestalde, Israelgo Armadako soldaduak difamatzea leporatu dio Espainiari.
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.