Puigdemonten eta Cominen aurkako euroaginduak berraktibatzeko eskatu dio Fiskaltzak Llarena epaileari
Fiskaltzak Carles Puigdemont Kataluniako presidente ohiaren eta Toni Comin kontseilari ohiaren aurkako euroaginduak berriz martxan jartzeko eskatu dio Pablo Llarena procesaren instruktoreari, Belgikatik Espainiara eraman ditzaten. Asmoa, 2017ko urriaren 1eko legez kanpoko erreferendumarengatik haien kontrako prozedura penalarekin jarraitzea da.
Proces auziko fiskalek erabaki hori hartu dute Europako Auzitegi Orokorrak duela aste batzuk eurodiputatuei immunitatea kendu ondotik. Horrela, Auzitegi Gorenari bidea eman diote euroaginduak berraktibatzeko.
Euroaginduez gain, Fiskaltzak biak bilatzeko eta atxilotzeko nazioarteko agindua ematea eskatu du, estradizio eskaera izapidetu beharko balitz ere.
Hain justu Juntseko burua Espainiaren etorkizuneko gobernagarritasunerako funtsezko pieza bihurtu eta ordu gutxira hartu du erabakia Fiskaltzak, Kataluniako alderdiko zazpi diputatuen abstentzioa ezinbestekoa baita Pedro Sanchezen balizko inbestidurarako.
Iragarpena egin eta minutu gutxira, Puigdemontek bere Twitter kontuan ondorengoa esan du: "Egun batean erabakigarria zara Espainiako gobernu bat osatzeko, eta hurrengo egunean Espainiak zure atxiloketa agintzen du".
Goizean, berriz, Clara Ponsati JxCateko eurodiputatua atxilotu dute Bartzelonan, Kataluniako hiriburuan zegoela iragarri eta ordu batzuetara, Pablo Llarena Auzitegi Goreneko epaileak, Kataluniako prozesuaren harira, desobeditzeagatik auzipetu dutela jakinarazteko agindua eman ostean.
Ponsati Bartzelonako Justizia jauregira eraman dute deklarazioa hartzeko. Eurodiputatuak berak iragarri du Twitterren atxilotu dutela.
Albiste gehiago politika
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.
Espainiako Fiskaltzak Israelek Gazan egindako "krimenak" ikertuko ditu
Alvaro Garcia Ortiz Espainiako fiskal nagusiak Zigor Kodearen "urraketa larriak" aipatzen ditu, genozidioa eta gizateriaren aurkako delituak tartean.
Pradales: "Europak autonomia politikoa irabazi eta lidergo etikoa ezarri behar du"
"Europako eredua definitzen duten balioak defendatzearen" alde egin du lehendakariak Politika Orokorreko Osoko Bilkuran. "Orain da momentua. Amaitu da guztiak pozten saiatzeko denbora ", gaineratu du.
Gazako "genozidioa" salatzeko minutu bateko isilunearekin abiatu dute Politika Orokorreko Osoko Bilkura
Ikasturte politiko berriaren Politika Orokorreko lehen Osoko Bilkura egiten ari dira gaur Eusko Legebiltzarrean. Eguna Imanol Pradales lehendakariak abiatu du, "Gazako genozidioa" gaitzestuz. "Nazkatuta gaude [....]. Indarkeria horrek atsekabea, amorrua eta ezintasuna eragiten ditu ", salatu du.