Anduezak aukeratzeko deia egin dio JxCati: "Elkarrizketaren alde egingo duen gobernu sozialista edo blokeoa"
Eneko Andueza PSE-EEko idazkari nagusiaren ustez, JxCatek hautua egin beharko luke U23ko hauteskundeen emaitzen ostean "elkarrizketaren eta erakundeen arteko normaltasunaren alde egiten jarraituko duen gobernu sozialista baten edo eskuinari eta ultraeskuinari mesede egingo liokeen eta Katalunian sutea eta tentsioa eragingo lukeen blokeoaren artean".
Radio Euskadiko "Boulevard" saioari eskaini dion elkarrizketan, bezperan PSOEko zuzendaritzak alderdi katalanari emandako mezua berretsi du EAEko buruzagiak, negoziazioak Konstituzioaren barruan gauzatu behar direla, alegia. Carles Puigdemont Kataluniako presidente izandakoari indultua ematea negoziatu ote daitekeen galdetuta, honakoa erantzun du Anduezak: "Ez dut uste mahai gainean dagoenik". Iradoki duenez, Puigdemonten alderdia "Katalunian izan dituen emaitza txarrei buelta eman" nahian ariko litzateke bozken balizko errepikapenarekin, baina bere iritziz, "aukera bakarra" PSOEren gobernua babestea da, "blokeoa ez zaie interesatzen, ez alderdi moduan eta ezta Kataluniako gizarteari ere".
Alberto Nuñez Feijooren jarrera aldaketa ahotan —atzo PSOE "Estatu alderdi" bat zela esan zuen—, Anduezak "herritarrei adar jotzeari uzteko eta seriotasuna erakusteko" eskatu dio. "Duela lau egun ETAko terroristak ginen (Feijoorentzat)", salatu du.
EAJk eta EH Bilduk Sanchezen inbestiduraren alde bozkatuko dutelakoan dago Andueza; "koherenteak badira, behintzat, bai", erantsi du. Halaber, jeltzaleei eskatu die argitzeko "zein erabaki estrategikoz" ari diren euren babesaren truke. "Asmo subiranistaz edo independentistaz ari badira, argi utzi nahi dut PSOEk ez dituela ez orain ez inoiz halakoak onartuko".
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.