PPk eserleku bat gehiago lortu du Madrilen, PSOEri kenduta, atzerriko botoari esker
Atzerrian bizi diren Espainiako Estatuko hautesleek utzitako botoen zenbaketaren arabera, PPk eserleku bat gehiago lortu luke Madrilen, PSOEri kenduta, Estatuko hainbat hedabidek aurreratu dutenez. Horrek Pedro Sanchez gutxienez Junts alderdiko diputatu baten babesa lortzera behartuko du balizko inbestiduran, abstentzioarekin ez bailitzateke nahikoa izango.
Larunbat honetan zenbaketaren agiria sinatuta, baieztatu egingo dituzte emaitzak. PPk aurreratu duenez, eserleku bat gehiago duela baieztatuz gero, Espainiako Presidentetza eskuratzeko 172 boza lortzen saiatuko litzateke Nuñez Feijoo.
PSOEk, berriz, eserleku horren galera aitortu du dagoeneko, baina "gehiengoen gobernu bat osatzeko egoera ez" duela aldatzen gaineratu du. "Juntsi dagokio erabakitzea eskuina eta eskuin muturreko gobernu bati atea ireki ala hori ekiditeko gainerako alderdi politikoekin bat egin", ondorioztatu du.
Horrela, atzerrian bizi zirenen botoak zenbatu ostean, Junts alderdiak Gironako barrutian zituen eserlekuei eutsiko die, PPrekin lehian zuen bat, eta baita Tarragonan ere, non beste bat PSOErekin lehian zuen.
PPk uztailaren 23ko gauean Gironan eserleku bat lortzetik 363 botora geratu zen. Azkenean, Miriam Nogueras buru zuen Junts alderdiaren hautagaitzak eskuratu zuen. Bestalde, Tarragonan, jokoan zegoen eserlekua lortzetik 1.298 botora geratu ziren sozialistak.
Era berean, Vox eskuin muturreko alderdiak Kantabrian lortutako eserlekuari eutsiko dio, atzerrian bizi diren herritarren botoak zenbatu ostean. Voxen eta PPren arteko alde txikia ikusita (428 boto), Kantabria zen CERAren boak U23ko emaitzak alda zitzakeen lurraldeetako bat, baina ez da hala gertatu.
Atzerrian bizi diren 233.688 herritarrek eman dute botoa azaroaren 23ko hauteskundeetan, hau da, CERAn erregistratutako Espainiako Estatuko 2,3 milioi herritarren % 10,04k.
2019ko hauteskunde orokorretan atzerrian bizi ziren 145.853 herritarrek erabili zuten botoa emateko eskubidea, hau da, 2.130.754 herritarrek osatutako erroldaren % 6,85ek.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.