Ramiro Gonzalez fiskalitatean "hobekuntzak" egitearen alde agertu da, iraultzarik egin gabe
Aste honetan amaituko da urte politikoa foru aldundietan, eta hurrengoari begira hainbat gai mamitsu izango dituzte mahai gainean, tartean, zerga erreformarena. EAJk eta PSE-EEk fiskalitatea moldatzeko eta progresibitatea areagotzeko konpromisoa hartu dute, baina ikusi egin beharko da nola gauzatuko den. Ramiro Gonzalez Arabako ahaldun nagusia "hobekuntzak" egitearen alde agertu da, baina iraultzarik egin gabe. Horren ustez, Pertsona Fisikoen gaineko Zergan (PFEZ) eta Sozietateen Zergan egindako aldaketek "ondo" funtzionatu dute, alabaina, zerga bilketa areagotzeko erreformak egiteko prest dago.
Radio Euskadiko "Boulevard" saioan egin dioten elkarrizketan eta balizko zerga erreforma onartzeko babesen inguruan galdetuta, Ramiro Gonzalez Arabako Batzar Nagusietan ordezkaritza duten talde guztiekin hitz egiteko prest agertu da, Voxekin izan ezik. Hortaz, PPrekin, EH Bildurekin eta Elkarrekin Podemos-IUrekin hitz egiteko betebeharra duela uste du. Edozein kasutan, PPrekin akordioa erdiestea zaila izango dela onartu du. "Diru bilketa murriztea planteatzen ari direnek ez gaituzte aurkituko", azaldu du.
Espainiako gobernagarritasunari dagokionez, Gonzalezek esan du gobernu berriak gai izan behar duela "Estatuaren izaera plurinazionala aitortzeko, autogobernuan aurrera egiteko eta neurri zentralizatzaileetan atzera egiteko". Ildo horretan, Pedro Sanchezen balizko inbestidurarako egingo diren negoziazioetan gai hori kontuan hartzea "funtsezkoa" izango dela uste du, babestu dezaketen talde askok jarrera hori baitute (Kataluniako alderdiak, euskal alderdiak eta Sumar).
Bestalde, Gasteizko txosnetan TicketBai aplikatzearen inguruan ere galdetu diote. Azaldu duenez, Gasteizko Txosna Batzordeak TicketBai sistema ezartzea ekiditeko alegazioak aurkeztu ditu eta Foru Ogasunak datozen egunetan arrazoiak aztertu ostean emango du erabakia.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.