Geroa Baik kontraproposamena aurkeztu du, eta akordioa lortzeko bilerak aurrera jarraitzen du
PSN, Geroa Bai eta Zurekin Nafarroa alderdietako ordezkariak Nafarroako Parlamentuan bilduta daude gaur, 17:00etatik, Nafarroako Gobernua osatzeko akordioa ixteko saiakera berri batean.
Bilera horretan, Geroa Baik kontraproposamena aurkeztu du, eta talde politikoak aztertzen ari dira. Negoziazioko iturrien arabera, Geroa Baik aurkeztutako planteamendua akordio programatikoari, bazkideen arteko desadostasunei eta kontrol neurriei buruzkoa da. Hiru ordu baino gehiagoren ostean, etenaldi bat egin dute negoziazioei berriro ekiteko, 21:00ean.
Batzarra goizean Geroa Baik PSNren azken proposamenaren inguruan bere jarrera zehazteko barne bilera egin ondoren deitu dute.
Nafarroako Parlamentuko bileran izan dira, PSNren aldetik, Ramon Alzorriz Antolakuntza idazkaria eta Parlamentuko bozeramailea, eta Ainhoa Unzu eta Jorge Aguirre parlamentariak; Geroa Bairen aldetik, Uxue Barkos buruzagia, Unai Hualde Parlamentuko presidentea eta Maria Solana, Jabi Arakama eta Pablo Azcona parlamentariak; eta Zurekin Nafarroa alderdiaren aldetik, Begoña Alfaro (Podemos) Parlamentuko bozeramailea, Carlos Guzman (IUN) parlamentaria eta Iñigo Rudi Batzarreko kidea.
Geroa Bai koalizioa osatzen duten alderdiek bilera egin dute goizean, Nafarroako Gobernu berria osatzeko PSNk mahai gainean jarritako azken proposamena aztertzeko. Ia bi hiru orduz egon dira bilduta, eta, oraingoz, ez dute jakinarazi zer erabaki hartu dute.
Maria Chivite sozialistaren lantaldearen azken proposamenaren arabera, lau kontseilaritza izango lituzke Geroa Baik, bakarra Zurekin Nafarroak, eta sozialistek presidentetza eta zazpi departamenduren gidaritza.
Zurekin Nafarroak eta PSNk abuztuaren 2an itxi zuten aurreakordioa Nafarroako Gobernua osatzeko negoziazioetan. Gero Baik, aldiz, ez zuen ontzat eman sozialisten aurreneko proposamena, eta ikusteko dago bigarrena onartuko duten edo ez.
Bien bitartean, epeak agortzen ari dira, eta abuztuaren 28rako inbestidura saioa deituko ez balitz, berriro hauteskundeak deitu beharko lirateke.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.