Geroa Baik PSN eta Zurekin Nafarroaren "baikortasuna eta poza" apaldu ditu: "Ez gaude puntu horretan"
Maria Solana Geroa Bairen bozeramaileak apaldu egin ditu Maria Chiviteren inbestidura bermatuko lukeen ustezko akordioaren inguruan PSNk eta Zurekin Nafarroak azken orduotan erakutsitako "baikortasuna eta poza".
Lizarrako jaien hasieran kazetarien aurrean egin ditu adierazpenok, eta, bere esanetan, "momentuz ez gaude puntu horretan". Gainera, PSNri zuzendu zaio argitu dezan "joko-arau zorrotzagoak onartzeko prest ote dagoen, zehatzagoak eta aurreko legealdian izan genituenak baino eraginkorragoak, argi baitago ez zirela nahikoak izan, bete ez ziren urraketak egon zirelako, eta ezin izan ziren bideratu, eta pairatu behar izan genituen".
Gobernua osatzeko akordioa gertu dagoela dioten adierazpenen inguruan galdetuta adierazi duenez, "akordio on batek ekarriko digu poza, (Gobernuaren) egitura zentzuduna zehazteaz gain, eraginkorra eta Geroa Bairi dagokiona delako".
Solanaren adierazpenen aurretik, Maria Chivite PSNren presidentegaiak esan du ez duela Geroa Bairen "baiezkoa ez den beste aukerarik" ikusten, azken proposamena kontuan izanda.
Ser irratian adierazi duenez, "alde guztiek galdu behar dute negoziazio batean", baina "azken proposamen honekin Geroa Bai eroso sentitzea" espero duela gaineratu du, guztiek sentitu behar baitute "eroso Gobernuan".
Geroa Bai PSNk atzo, osteguna, egindako azken proposamena aztertzen ari da, Maria Chivite Nafarroako sozialisten hautagai eta Nafarroako jarduneko presidentearen inbestidura bermatzeko akordioa lortzeko helburuarekin.
Bi taldeek bilera izan zuten atzo, Zurekin Nafarroarekin batera, eta PSNk hasierako proposamena moldatu zuen bertan, Gero Baik gaur-gaurkoz duen departamentu kopurua mantenduta, Etxebizitzaren ordez Osasun Kontseilaritza eskainita.
Hala, Geroa Baik proposamena onartuko balu, Landa Garapen eta Ingurumen Kontseilaritza, Garapen Ekonomiko eta Enpresarialeko Kontseilaritza, Herritarrekiko Harremanetako Kontseilaritza eta Osasun Kontseilaritza kudeatuko lituzke.
Foru hauteskundeen emaitzak kontuan hartuta, bigarren bozketan aukeratuko lukete Chivite. Lehen bozketan gehiengo osoa behar da (26 boto), baina bigarrenean nahikoa da gehiengo soila. Hala, eskuineko blokeak (UPN+PP+Vox) dituen 20 eserlekuak baino boto bat gehiago eskuratu behar ditu bloke aurrerakoiak. EH Bilduk baiezkoaren alde egingo balu, 23 boto jasoko lituzke Chivitek: PSNrenak (11), Zurekin Nafarroarenak (3) eta EH Bildurenak (9). Dena dela, Geroa Bairen (7) abstentzioa ere behar du. Uxue Barkosen koalizioak esana du ez duela gobernu aurrerakoi baten aukera zapuztuko.
Maria Chivite sozialista bigarrenez Nafarroako presidente bihurtzeko negoziazioak azkena izan litekeen fasean sartu dira. PSNk eta Zurekin Nafarroak Gobernua osatzeko aurreakordioa sinatu zuten herenegun, eta bezperan baiezko botoa emateko prest zegoela iragarri zuen EH Bilduk, militanteek berretsi behar badute ere.
Bestalde, PSN-PSOEren Zuzendaritza Batzordeak, akordio programatikoaren edukia ezagutu ondoren, "Maria Chivitek gidatutako gobernu aurrerakoi baten eraketa bermatzen du, eta hala izan dadin beharrezkoak diren urratsak ematea adostu dute".
Ahalik eta lasterren egiteko deia egin dute sozialistek, "Nafarroako herritarrek konfiantza eta ziurtasuna lehenbailehen emango dion gobernu bat behar dutelako". "Sozialisten proposamena errealista eta asmo handikoa da, eta Geroa Bairen eta Zurekin Nafarroaren aldarrikapenak jasotzen ditu", adierazi du alderdiak ohar batean.
Zure interesekoa izan daiteke
Fiskaltzak ETAko buruzagi ohi Marisol Iparragirreri emandako erdi-askatasuneko erregimenaren aurka egin du
Fiskaltzak Espetxe Araudiaren 100.2 artikuluaren aplikazioa berrikusteko eskatu du; txostenak, baina, ez du Eusko Jaurlaritzaren erabakia eten.
Chivitek asteazkenean sinatuko du Hithiumen inbertsioa Nafarroan gauzatzeko akordioa, Pekinen
Horren helburua 400 milioi euroko inbertsioa eta 1.000 lanposturaino beharko dituen bateria enpresa ezartzeko urratsak aurreratzea da.
Fiskaltzak helegitea jarri du Konstituzionalean, Garcia Ortiz fiskal nagusi ohiaren aurkako epaiaren kontra
Ministerio Publikoaren arabera, Garcia Ortizen errugabetasun printzipioa urratu da prozesuan zehar eta ez dago froga nahikorik Alberto Gonzalez Amadorren abokatuak bidalitako mezu elektronikoa Fiskaltzak bidali zuela esateko.
Aitor Estebanek euskal selekzioen ofizialtasuna aldarrikatu du, “nazioarte mailan ikusgarritasuna izateko”
EAJren EBBko presidentea Mendozan izan da, Munduko Pilota Txapelketa antolatu duen hirian. Pilotako euskal selekzioaren ofizialtasuna lortu izanak duen “garrantzia” nabarmendu du bertan.
Euskal Hirigune Elkargoak larunbatean hautatuko du lehendakaria, eta gutxienez lau hautagai izango dira
09:00etan bilera hasi arteko epea duten arren, lau dira, momentuz, Elkargoa gidatzeko nahia adierazi dutenak: Jean Rene Etchegaray, Baionako auzapeza eta Elkargoko lehendakaria orain arteko bi agintaldietan; Alain Iriart, Hiriburuko ezker abertzaleko auzapeza; Peio Etxeleku, Kanboko auzapez jeltzalea, eta Pascal Lesellier, Baionako eskuin muturreko hautetsia.
Rufianek eta Monterok ezkerra batzea eskatu dute, Voxi aurre egiteko: "Bestela, banan-banan hilko gaituzte"
Gabriel Rufian ERCk Kongresuan duen bozeramaileak eta Irene Montero Podemoseko bigarrenak PSOEren ezkerretara dauden alderdien batasuna aldarrikatu dute, eta biek defendatu dute ezkerreko balizko fronte horien gidaritza euren alderdiek hartzea Estatuan eta Katalunian. "Betela, banan-banan hilko gaituzte", esan dute, Bartzelonan egin duten ekitaldia.
Carmen Panok Aldamaren aginduz Ferrazen 90.000 euro entregatu zituela berretsi du Gorenean
Enpresariak esan du 45.000 euroko bi ordainketa eraman zituela PSOEren egoitzara, eta Abalosek hidrokarburoen lizentzian egindako kudeaketengatik “etxe bat" nahi zuela adierazi du.
Otxandianok "haren kapital politikoa jartzeko" eskatu dio Pradalesi, "estatus politiko berriaren eztabaida erdigunean kokatzeko"
EH Bilduren Legebiltzarreko bozeramaileak gehiengo kualifikatuak eta giro politiko "nahiko aldekoa" direla aprobetxatzearen alde egin du, "herri akordioak, akordio nazionalak eta estatu ikuspegia duten itunak lortzeko" EAEn, bere ustez, eta egungo testuinguru historikoan, hori baita "herri honen interesak babesteko alternatiba zentzuzko bakarra".
Josu Urrutikoetxearen aurkako epaiketa abiatu da Parisen, Frantzian bere kontra irekitako azken prozeduraren barruan
Epaiketa pasa den urrian egitekoa zen, baina Josu Urrutikoetxearen osasun arrazoiengatik apirilera atzeratu zen. Parisko Dei Auzitegian epaituko dute 2002tik eta 2005era ETAko kide izan zelakoan.
Jaurlaritzak "titular gutxiago eta lan gehiago" eskatu du, migrazioaren egiturazko erronkari aurre egiteko
Haurren eta Nerabeen Konferentzia Sektoriala bertan behera geratu zen atzo, PP buru duten erkidego ia guztiek bertan parterik ez hartzea erabaki baitzuten. Nerea Melgosa Ongizate Berdintasun, Justizia eta Gizarte Politiketako sailburuak migrazioaren arloan Jaurlaritzak dituen eskumenak handitzea eskatu du, eta Estatuari eskatu dio egiturazko estrategia bat gara dezala, haurrak eta nerabeak zaintzeko.