PSOEk eta Sumarrek urrundu egin dute EAJk Kongresuko Presidentetza bereganatzeko aukera
Lehen presidenteorde eta Ekonomia Gaietarako ministroa Nadia Caviño Diputatuen Kongresuko presidentetza EAJrentzat izatearen aurka agertu da, Coalicion Canariaren (CC) proposamenari uko eginez. Hala azaldu du gaur, astelehena, TVEn egindako elkarrizketa batean. Ministroaren ustetan, postua PSOEko pertsona batentzat izan beharko litzateke, nahiz eta ez duen zehaztu nor izango den alderdiaren hautagaia.
Calviñok azaldu duenez, Diputatuen Kongresuko Mahaiko Presidentziarako eta inbestidurarako negoziazioak martxan daude, "guztia lotuta baitago", eta Gorteak osatzeko oraindik lau egun geratzen direla azpimarratu du, horrek "askorako" ematen duela adieraziz.
"Akordioetara iristeko nahia egonez gero, ostegunean gehiengo aurrerakoia izango dugu Kongresuko Mahaian", gaineratu du.
Calviñok berretsi du alderdi bakoitza balizko inbestidura baten aurrean "nola kokatu" hausnartzen ari dela, eta Pedro Sanchezek gidatutako Gobernu bat osatzea espero duela, hauteskundeak errepikatzea ez zelako izango inoren gustuko.
Sumar eta Junts harremanetan, PSOEren mesedetan
Marta Lois Sumarreko bozeramaileak baieztatu du Junts alderdiarekin negoziatzen diharduela gehiengo aurrera lortzeko Kongresuko Mahaian, PSOE buru duela.
Loisek azpimarratu du presidentetza lehen indar aurrerakoiaren esku egon beharko litzatekeela, eta ez EAJren ala bestelako gutxieneko indar baten esku, alderdi batzuek proposatu bezala.
Era berean, Sumarreko bozeramaileak gaineratu du herritarrek gehiengo aurrerakoi baten alde bozkatu zutela U23an, eta orain ordezkari politikoei "beren lana" egitea egokitzen zaiela akordioetara iristeko.
Bilduk dio EAJren presidentetza ez dagoela "aukera gisa ere"
EH Bilduk jakinarazi du bere taldea PSOErekin eta beste alderdi batzuekin elkarrizketak izaten ari dela, Junts barne, gehiengo aurrerakoia islatzen duen Mahaia osatzeko helburuarekin.
"Aurrerapen sozial eta demokratikoak izatea ahalbidetuko duen mahaia nahi dugu. Baldintza batzuk jarri ditugu, baina ez dira "onartezinak", arrazoizkoak dira" azpimarratu du EH Bilduren Kongresuko bozeramaile Mertxe Aizpuruak.
Bestalde, EAJk Kongresuko Mahaiaren presidentetza eskuratzea ez dagoela "aukera gisa ere" ziurtatu du Aizpuruak, ez alderdi horrek ez beste alderdi independentista edo nazionalistak ez duelako halakorik mahaigaineratu.
BNGk "estranbotikotzat" jo du EAJ Kongresuko presidente izateko proposamena
Bestalde, Luis Bara Galiziako Parlamentuko BNGko diputatuak esan du proposamen "estranbotikoa" dela EAJ Kongresuko presidente izatea.
Nolanahi ere, Nestor Rego BNGk Kongresuan duen bozeramailea bidali du, alderdiak horren inguruan duen jarrera eta balorazioa azaltzeko; izan ere, "negoziazioen egunerokotasunean dagoen pertsona da, eta beste taldeekin dituen harremanen berri zuzena du".
Adierazi duenez, "burutazio bat da, beste asko bezalako ideia bat", "jai garaiko" egunak direla eta "proposamen deigarri edo estranbotiko samarrak" egiten direla, Kanarietako Gobernuko presidentearek botatako ideiaren kasuan bezala.
Albiste gehiago politika
ETAko preso, iheslari eta deportatuak etxeratzeko eskatu du Sarek Bilbon, "gatazkaren ondorioak" gainditzeko
Urtero bezala, ETAko preso, iheslari eta deportatuak etxeratzeko eskatu du Sare mugimenduak Bilboko Aste Nagusian, “badelako garaia sufrimendua gainditu eta elkarbizitzarako zubiak eraikitzeko, indarkeria guztietako biktimak gogoan izanda”.
Ezkaban fusilatutako anarkista gazte baten gorpuzkiak familiari eman dizkiote
Nafarroako Gobernuko bigarren presidenteorde eta Memoria eta Bizikidetzako, Kanpo Ekintzako eta Euskarako kontseilari Ana Ollo izan du buru Ignacio Francisco Canedaren gorpuzkiak senitartekoei emateko ekitaldiak. AEBn jaiotako anarkista gazte hori Gerra Zibilean San Kristobal gotorlekutik ihes egiten saiatu ondoren fusilatu zuten. 1936ko ekainetik zegoen bertan preso, bere aktibismo politikoagatik.
Txiki eta Otaegiren oroimenezko muralari eraso egin diote Durangon
Haien aurpegiak eta muraleko leloa zirriborraturik agertu dira eta etarras idatzi dute erasotzaileek. Ernaik salatu duenez, "eraso faxistek eta espainolistek ez dute tokirik", eta murala auzolanean berregiteko deia egin dute.
Pernando Barrena: “Maliko etorkin guztiak gerratik ihesi datoz. Zein alde dago Malikoa eta Ukrainakoa izatearen artean?”
Erantzunean “oso jarrera arrazistak” ikusten ditu EH Bilduren europarlamentariak, eta, horiek desagerrarazi ezea, Europak asilo eskubidearen zentzua zaborrera botata izango duela salatu du Euskadi Irratian.
Ernaik independentziaren aldeko manifestazioa deitu du Donostian, irailaren 14an
'Ekin eta bultza' lelopean, Euskal Herriaren independentzia aldarrikatu nahi dute. Txiki eta Otaegiren fusilamenduaren 50. urteurrena ere oroituko dute.
:eitb-banner?$eitb-banner$&fmt=webp-alpha&qlt=80)
ETAko presoen aldeko 135 ekintza dokumentatu ditu Covitek udako jaietan
"Horrelako mezuek espetxetik ateratzea helburu legitimoa dela eta hilketengatik zein bestelako krimen batzuengatik ezarritako zigorrak bidegabeak izan ziren ideia sustatzen dute", deitoratu du Consuelo Ordoñezek.
Peinado epaileak Begoña Gomez inputatu gisa deklaratzera deitu du, diru publikoa bidegabe erabiltzea egotzita
Irailaren 11n deklaratu beharko du Sanchezen emazteak Madrilgo Auzitegian. Cristina Alvarez, haren aholkulariak berriz, bezperan, irailaren 10ean.
Udaltzain bat txosnetatik kanporatu dutela salatu du Ondarroako Udalak
Udalaren ustez, gertatutakoa "oso larria" da, eta neurriak hartuko dituela jakinarazi du.
Sarek "salbuespeneko espetxe-politikak" amaitzeko eskatu du Donostian
Urtero legez, Sarek manifestazioa egin du Donostiako Aste Nagusian, "euskal preso, iheslari eta deportatuak etxeratzea" eskatzeko. Azken urtean lortu diren aurrerapausoak azpimarratu dituzte bertan, baina oraindik bide luzea dagoela egiteko gaineratu dute. Sarek espetxe-legeak eta -politikak aldatzeko eskatu du "benetako bizikidetza" lortze aldera.
Eusko Jaurlaritzak babes ofizialeko 225 etxebizitza lizitatu ditu Gasteizko Larrein auzoan
Visesak lehiaketara atera ditu alokairuko etxebizitza babestuaren sustapen honen obrak, 38,5 milioi euroko aurrekontuarekin eta 24 hilabeteko egikaritze-epearekin. Kontratua, eranskinak eta urbanizazioa barne, irailaren 26ra arte aurkeztu ahal izango da.