Chivitek gobernu "aurrerakoia" defendatu du, "eskuinen inboluzioaren" aurrean
Maria Chivite PSNren Nafarroako Gobernurako presidentegaiak defendatu egin du Foru Erkidegoan Exekutibo "aurrerakoia" osatzea, eskuineko alderdiak "inboluzioa" ekartzen eta "eskubideak murrizten" ari baitira.
Chivitek PSN, Geroa Bai eta Zurekin Nafarroa alderdien arteko akordioaren ildo nagusiak zehaztu ditu Nafarroako Parlamentuan, inbestidurako lehen saioan. Gobernua osatzeko negoziazioak "zailak" izan direla baina "bukaera ona" izan dutela nabarmendu du.
Horren esanetan, egun "larrialdi demokratikoan" gaude, eskuineko alderdiek "negazionismoa" ekarri dutelako "genero indarkeria, klima-aldaketa eta aniztasuna" aztertu eta horiei aurre egiteko prozesuan.
Euskara
Euskararen inguruan, Chivitek aurreratu du "akordio sozial eta politiko zabala" sustatuko duela, betiere "errealitate soziolinguistikoa" kontuan hartuta eta "hizkuntza eta eztabaida alderdikoia nahastu gabe".
Era berean, euskarari "errespetu osoa" agertuko diola promestu du.
Euskara polemikaren erdigunean izan da berriz azken egunetan, eragile euskaltzaleek salatu dutelako gobernu-akordioak ez duela aurrerapausorik aurreikusten ofizialtasunaren bidean.
Osasuna, etzebizitza eta ekonomia
Bestalde, hautagai sozialistak iragarri du Osasunaren Foru Legea onartuko dutela 2024an, itxaron-zerrendak murrizteko eta zerbitzuak "zentzuz" erabiltzea sustatzeko.
Chiviteren esanetan, langabezia datuak txikiak dira, "baina beti dago zerbait egiteko", eta, horregatik, "kalitatezko enplegua" bultzatzea lehentasunetako bat izango dela nabarmendu du.
"Etxebizitza duinen sarbidea" bermatzea ere aipatu du Chivitek etorkizuneko erronka gisa.
"Bizitzeko lekurik onena"
Maria Chivite Nafarroako presidentegaiak Foru Erkidegoa "bizitzeko, elkarrekin bizitzeko eta aurrera egiteko tokirik onena izaten jarraitzeko" konpromisoa agertuta amaitu du gaurko inbestidura saioa.
"Nire bizitzaren eta historiaren zati den lurralde hau maite dut", esan du Chivitek, hunkituta. Chivitek agindu du, behar adinako babesa badu, ziurrenik bihar bigarren bozketan gehiengo soilez gertatuko dena, presidente "aurrerakoia, feminista, hurbila eta enpatikoa" izango da.
Arratsaldeko saioan elkarrizketarako eta adostasunerako mezuak ugariak izan dira. Saio horretan presidentegaiak taldeei erantzun die, eta horiek berriro hitza hartu ahal izan dute; oro har, goizean babestutako jarrera eta ideiak berresterko erabili dute txanda alderdiek.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.