Askotariko moduak eta hizkuntzak Konstituzioari men egiteko
Kongresu berriko diputatuek hainbat formula eta hizkuntza erabili dituzte Konstituzioari men egiteko unean. Horietako batzuk, besteak beste EH Bildu eta EAJkoak, legeak hala aginduta.
Oro har, formulak alderdi politikoek finkatu dituzte. Gazteleraz ez ezik, euskaraz, katalanez eta galizieraz ere egin dute, Euskal Herriko eta Kataluniako errepubliken aldeko formulak ere entzun dira, baita, Sumarreko diputatuen ahotik, Espainia plurinazional eta feminista baten eta "garai errepublikar berri baten" aldekoak ere.
Diputatu jeltzaleek, duela lau urte bezala, legeak aginduta egin dute, horietako batzuk euskaraz. EH Bildukoek "euskal errepublika" defendatzeko egin dute, eta Lander Martinez Sumarreko diputatu bizkaitarrak ere euskara erabili du.
ERCren kasuan, "legeak aginduta" egin dute diputatuek, "Kataluniako errepublika lortu arte", katalanez. Juntsekoek ere euren hizkuntza erabili dute, "legeak aginduta", "Kataluniako herriarekiko leialtasunetik eta urriaren 1eko agindua beteta", eta "errepresaliatu eta erbesteratu guztien defentsarekin" konprometituta.
Compromiseko Agueda Micok (Sumar) katalana erabili du, kasu honetan Valentziako herriaren alde. Nestor Rego BNGko diputatuak Galiziaren subiranotasunaren alde egin du, galizieraz.
"Borroka antifrankistaren alde" izan da eguneko beste aldarrikapenetako bat. Iñigo Errejon Sumarreko diputatuak "herri subiranotasunaren eta herrien arteko anaitasunaren (katalanez), justizia sozialaren eta Lurraren alde" egin du.
Pedro Sanchez Espainiako Gobernuko jarduneko presidenteak eta Alberto Nuñez Feijoo PPko buruak "bai, hitza ematen dut" esan dute, eta alderdikideek formula hori errepikatu dute. Voxen diputatuek, ordea, "Espainiaren alde, bai" erabili dute.
PP eta Vox kexu agertu dira diputatu batzuek aukeratutako formulengatik, eta Francina Armengol Kongresuko presidenteari eskatu diote berrikusteko eta baliogabetzeko. Presidente berriak defendatu du erabilitako "formula guztiak" bat datozela Erregelamenduaren 4. artikuluan, Ganberako Presidentetzaren 1989ko ebazpenean eta Konstituzio Auzitegiaren azken epaian ezarritakoarekin.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.