Kongresuko Mahaiak oniritzia eman die ERCren eta Juntsen taldeei
Kongresuko Mahaiak argi berdea eman die ERCren eta Juntsen talde parlamentarioei, Sumar-ek eta PSOEk, hurrenez hurren, emandako diputatuekin erregistratuta, lehenago Araudiak ezartzen dituen baldintzak betetzen ez dituztelako. Erabakia gehiengoz hartu dute, PSOEren eta Sumarren botoekin, eta PPk kontra bozkatu du, mailegu hori "lege iruzurra" dela iritzita.
Ganberaren Araudiak ezartzen duenez, Kongresuan talde parlamentarioa osatzeko 15 diputatu baino gehiago behar dira, edo gutxienez bost eserleku izan eta Espainia osoko botoen % 5 ala aurkeztu den barrutietako botoen % 15.
PSOEk, PPk, Voxek eta Sumarrek bide azkarra erabili dute talde bezala erregistratzeko, 15 diputatu baino gehiago baitituzte; EAJk eta EH Bilduk gauza bera egin dute, aurkeztu ziren barruti guztietan % 15 gainditu baitzuten.
Baina ERC eta Junts, zazpina diputaturekin, ez dira % 15era iristen Kataluniako lau barrutietan, eta, beraz, laguntza behar izan dute talde propio gisa eratzeko.
Azkenean, PSOEk eta Sumarrek diputatuak utzi dizkiete Kataluniako barrutietako botoen % 15eko langa gainditzeko: Sumarrek En Comuko bi diputatu eman dizkio ERCri —Felix Alonso (Tarragona) eta Juñia Boada (Girona )— eta PSOEk PSCko lau Juntsi —Marc Lamua eta Blanca Cercas (Girona) eta Andreu Martin eta Valle Mellado (Tarragona)—.
Horrela, Junts 11 diputaturekin erregistratu da, eta ERC 9rekin. Izapideak amaitzen direnean, jatorrizko taldeetan inskribatuko dira En Comu eta PSCko diputatuak.
Kongresuko Mahaiak oniritzia eman dio operazioari, PSOEren eta Sumarren gehiengoari esker. PPk, berriz, kontra bozkatu du, portzentajeen aldaketa hori araudia eta hautesleek hautestontzietan adierazitako borondatea aldatzen dituen "lege iruzurra" dela iritzita.
Diputatuak uzteko bidea aurreko legegintzaldietan erabili da. UPNk CCrekin bat egin zuen kanariarrek taldea izan zezaten, eta Forok UPyDri % 5era iristen lagundu zion.
Voxek mahaiaren erabakia baliogabetzeko eskatu du, Erregelamenduaren 23.2 artikuluari helduta. Artikulu horren arabera, "ezin dira inola ere alderdi berekoak diren diputatuek osatutako Legebiltzar Talde Banandua eratu".
Albiste gehiago politika
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".