Esther Apraiz izango da EUDELeko presidentea, EAJk, EH Bilduk, PSEk eta independenteek akordioa itxi ondoren
EUDEL Euskadiko Udalen Elkartea berritzeko akordioa adostu dute EAJk, EH Bilduk, PSE-EEk eta talde independenteek, eta hautagaitza bateratua aurkeztu dute gaur, Esther Apraiz Derioko alkate jeltzalea buru duena. Bera izango da, beraz, Gorka Urtaranen lekukoa hartuko duena udalen elkarteak irailaren 19an, asteartean, Donostian egingo duen urteko batzar nagusian.
Hain zuzen ere, gaur amaitzen zen Euskadiko Udalen Elkarteko presidente izateko hautagaitzak aurkezteko epea, eta EH Bilduk uko egin zion hautagaitza aurkezteari. Esther Apraiz Fernandez de la Peña (Derio, 1976) Derioko alkatea da 2015etik. Aurretik, Hirigintza arloko zinegotzia izan zen herri horretan.
Akordioaren arabera, Nagore Alkorta (EH Bildu) eta Jose Antonio Santano (PSE-EE) Azpeitiko eta Irungo alkateek, hurrenez hurren, presidenteorde karguan jarraituko dute. Hala, maiatzaren 28ko udal hauteskundeak egin zirenetik lau hilabete bete aurretik berrituko du bere organigrama EUDELek.
Datorren astean egingo den batzarrean, batzorde exekutiboa (15 ordezkari ditu) eta hiru lurralde batzordeak (9 ordezkari bakoitzak) berrituko dituzte EUDEL osatzen duten 245 udalerriek. Apraiz, Alkorta eta Santanoren hautagaitza alkate hauek osatuko dute: EAJko Nati Lopez de Muniain (Burgu), Maialen Gurrutxaga (Elgoibar), Jon Luqui Albisu (Urretxu), Erlantz Urresti (Jatabe) eta Txerra Molinuevo (Amurrio); EH Bilduko Iñigo Hernando (Galdakao), Txelo Auzmendi (Asparrena), Xabier Lertxundi (Hernani), Eneritz Azpitarte (Zaldibar) eta Izaro Elorza (Oñati); PSE-EEko Mikel Torres (Portugalete); eta, talde independenteak ordezkatuz, Joseba Zorrilla Ruiz (Zalla Bai elkarteko kidea).
Koldo Mediavilla EAJren Arlo Instituzionaleko burukidearen ustez, akordio hau "benetako politika da, eraldaketa sozialaren zerbitzura egon behar duena, jendearen bizi-kalitatea hobetzeko, ez etsaia ernegatzeko eta garaitzeko".
EH Bilduk, bere aldetik, azpimarratu duenez, lortutako "akordioari esker ordezkaritza orekatuagoa" egongo da EUDELen hurrengo legealdian. Onintze Oleaga EH Bilduko Udal Politikako arduradunaren hitzetan, "onuragarria izan daiteke, udal guztiek batera lan egin ahal izango baitute beren erakundeak beste erakunde handiago batzuen aurrean defendatzeko".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.