Eskainitakoa ukatuz gero "ezerezekin" geratzeko arriskuaz ohartarazi die Erkorekak Ertzaintzaren sindikatuei
Legealdia bukatzear dagoela-eta, Segurtasun Sailak Ertzaintzaren sindikatuei egindako eskaintza ukatzen jarraituz gero, "ezerezekin" geratzeko arriskuaz ohartarazi du Josu Erkoreka Eusko Jaurlaritzako Segurtasun sailburuak. Dena dela, sindikatuek ekinbidea "berreskuratu" dutelakoan dago Erkoreka, eta negoziaziora biltzeko deia egin die berriro sailburuak.
Politika orokorreko eztabaidaren eta Ertzaintzaren sindikatuek Legebiltzarraren atarian egindako protestaren biharamunean, Euskadi Irratiko "Faktoria" saioan elkarrizketa eskaini du lehen lehendakariordea ere badenak. Bilkura horretan, Erkorekari hitzordua eskatu diotela jakinarazi zuten sindikatuek. Horren kontura, sailburuak jakinarazi du sindikatuekin batzartu batzartuko dela (duela astebete baieztatu zien), baina oraindik ez dutela data zehaztu. Bileran, lan-baldintzen ingurukoez harago, "kalean ertzaintzei errespetua galdu omen zaiela eta agenteen kontrako delituak ugaritu omen direla-eta" eman beharreko erantzuna izango dute hizpide.
Ertzainak gatazkan plataformak sindikatuen jarduna ezkutatzen jarraitzen ote duen galdetuta, Erkorekak esan du espero duela zentralek lehen lerroa "berreskuratzea". Azaldu duenez, plataforma horren "mehatxu nagusia, xantaia egiteko zuten tresna nagusia —akordioa duin bat lortu ezean Tourra egingo ez zela— desegin egin da", eta hortaz, "zerbait egin behar dute", esan du. "Eskaintza bat badute mahai gainean, eskaintza oso ona da, langile askorentzat mesedegarria eta hobekuntza konkretuak jasotzen dituena. Hori ukatuz gero, agian legealdia bukatu daiteke eta ezerezekin gera daitezke", ohartarazi du.
"Gure eskaintzak mahai gainean jarraitzen du. Guk ez dugu inoiz Mahaia bazterrean utzi. Mahaitik joan-etorrian egon direnak sindikatuak izan dira. Esan genien ez genuela soldata igoera lineala onartuko plantilla guztiarentzat, ilegala da, eta harrezkero ez dute beste guztia eztabaidatu nahi izan. Aukera hori galtzen ari dira, eta hori berreskuratzekotan daudela nago", azaldu du.
ErNE, ESAN eta SiPE sindikatuek Erkoreka "berehala" kargugabetzea eskatu dute
Ertzaintzaren sindikatu nagusiek (ErNE, ESAN eta SiPE) Josu Erkoreka "berehala" kargugabetzea eskatu dute, Eusko Jaurlaritzako Segurtasun sailburuak ohartarazi ostean lan baldintzak hobetu gabe gelditu daitezkeela mahai gainean dagoen proposamena baztertzen badute.
Ohar batean hiru sindikatuek azaldu dutenez, Erkorekaren adierazpenek agerian uzten dute ez duela negoziatzeko borondaterik.
Sindikatu horien esanetan, Erkoreka eta "bere taldea" dira Ertzaitzaren hondoratzearen "arduradun gorenak".
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".