Junqueras: "Amnistia errepresioaren aurkako legezko eta beharrezko bidea da"
Oriol Junqueras ERCko presidenteak "amnistia errepresioaren aurkako legezko eta beharrezko bidea" dela aldarrikatu du gaur. Zentzu horretan, buruzagi errepublikarrak berretsi du Kongresuko Mahaia osatzeko PSOErekin eta Sumarrekin sinatutako akordioak amnistia barne hartzen duela: "errepresioari beharrezko bide legal guztietatik amaiera ematea barne hartzen du, eta argi dago amnistia legezko eta beharrezko bidea dela, eta PSOEk dagoeneko egiteko konpromisoa hartu du".
Espainiako Gobernuaren balizko inbestidura aztertzeko, Junquerasek azaldu du euren lehentasunen artean daudela "autodeterminazio eskubidea defendatzen jarraitu ahal izatea; negoziazio politikorako mahaia; errepresaliatutako pertsona guztien amnistia osoa; eta gure gizartearen gehiengoari eragiten dioten konpromiso ekonomiko eta sozial argiak (osasunaren finantzaketa edo hezkuntza eta zerbitzu publikoak, aldirietako trenak, esaterako)".
Buruzagi errepublikarrak agerraldia egin du ERCko egoitzan, 2017ko irailaren 20ko polizia-operaziotik sei urte bete direnean. Guardia Zibila Generalitateko Ekonomia Kontseilaritzan sartu zen. Horren harira, Junquerasek gogorarazi du "egun batzuk geroago, urriaren 1ean, egin behar zen erreferenduma eragoztea" zela helburua. Bere hitzetan, ez zuten galdeketa gelditzea lortu Kataluniako gizartearen babesari esker.
Junquerasek nabarmendu du sei urte geroago sedizio delitua bertan behera uztea eta diru publikoa bidegabe erabiltzearen delitua erreformatzea lortu dutela. Gainera, ERCko buruak berriro aldarrikatu du erreferenduma deitzea eta aurrera eramatea ez dela delitua.
Bestalde, Pere Aragones Generalitateko presidenteak adierazi duenez, Kataluniaren etorkizuna erabakitzeko konpromisoa "bere horretan dago", Guardia Zibilaren miaketetatik sei urte bete direnean. Txio batean kritikatu duenez, "Estatuak errepresioa aktibatu zuen U-1a gelditzeko, demokrazia geldiarazteko".
Aragonesek gaineratu du independentziaren aldeko mugimenduaren konpromiso horrek iraun egiten duela: "Ekonomia Kontseilaritzaren aurrean erakutsi genuen, eta orain ere hala egiten jarraitzen dugu, amnistiaren eta autodeterminazioaren alde".
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".