Paz Esteban CNIko zuzendari ohia ikertuko dute, Pere Aragones Pegasus programaren bidez zelatatzea egotzita
Bartzelonako epaile batek Pere Aragones Generalitateko presidentearen salaketa bat izapidetzea onartu, eta Paz Esteban Espainiako Inteligentzia Zentro Nazionaleko (CNI) zuzendari ohia ikertzea erabaki du. Aragones Pegasus espioitza programaren biktima izan zen.
Ebazpen batean, Bartzelonako 29 zenbakiko Instrukzio Epaitegiko titularrak azaldu du "arau-hauste penalak" egon litezkeela. Informatika-ekipoetan baimenik gabe sartzea, komunikazioak legez kanpo atzematea, espioitza informatikoa eta oinarrizko eskubideen aurkako delitua salatu zituen Kataluniako Gobernuko presidenteak.
Aragonesek CNIko zuzendari ohiaren eta NSOren (Pegasus ziberespioitza sistemaren jabea den enpresa israeldarra) aurka jarri zuen salaketa, 2022ko ekainean. Hasiera batean, instrukzioko epaileak Auzitegi Nazionalaren esku utzi zuen auzia, Fiskaltzak eskatuta, Kataluniako presidentea Estatuko goi-kargunduna delako.
Hala ere, Bartzelonako Auzitegiak erabaki hori atzera bota zuen ekainean, eta, azkenean, 29. epaitegiko titularrak bere gain hartu zuen auzia. Orain, kereila onartzea erabaki eta Paz Esteban ikertu gisa deklaratzera deitu du abenduaren 13rako. Aragonesek ere epailearen aurrean agertu beharko du egun berean, baina kaltedun gisa.
Espainiako Gobernuak kargutik kendu zuen Paz Esteban CNIko burua 2022ko maiatzean, Pegasusekin izandako espioitzaren ondorioz. Izan ere, Aragones, 50 buruzagi independentista baino gehiago, Espainiako Gobernuko presidente Pedro Sanchez bera eta Defentsa ministro Margarita Robles zelatatu zituzten.
Bartzelonako epaileak ebazpenean azpimarratu duenez, Citizen Lab kolektiboak (Torontoko Unibertsitatea), Pegasus programan aditua denak, 2021eko apirilean argitaratu zuen Kataluniako mugimendu independentistako eta ERCko militanteei buruzko txosten bat, horien telefono mugikorrak "espioitza politikoa" egiteko kutsatuak izan zitezkeelakoan; Aragonesena zegokeen horien artean.
Ildo horretan, epaileak nabarmendu duenez, Citizen Laben txostenak zehazten zuen Aragonesen mugikorra SMS bidez infektatu zutela 2020ko urtarrilaren 4an, 5ean eta 13an, Generalitateko presidenteordea zenean, eta epaitegian aurkeztu den aditu-txostenak hori "berresten" du.
Epaileak Europa mailako ikerketa agindu du, NSOren enpresak, OSY Technologiesek (egoitza Luxenburgon du), Pegasus Espainiako Estatuko erakundeei saldu ote dien argitu dezan eta, hala bada, zehaztu dezan zein erakunderi edo pertsonari.
Albiste gehiago politika
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak ostiral honetan aurreratu duenez, "zantzurik, informaziorik edo susmorik txikiena ere" ez dago UCOren txostenean aipatzen diren enpresekin kontratuak daudela pentsatzeko.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.