Hezkuntza Legeari aurkeztutako osoko zuzenketen kontra bozkatuko du EH Bilduk
Ikoitz Arrese EH Bilduko legebiltzarkideak iragarri duenez, koalizio subiranistak ezetz bozkatuko du Hezkuntza Legearen proiektuari oposizioko beste taldeek aurkeztutako osoko zuzenketen aurrean. Koalizioak lege horren eztabaida parlamentarioari bide eman nahi dio, Eusko Legebiltzarraren gehiengo zabal batek adostutako hezkuntza itunari zor dien "leialtasuna eta fideltasuna" tarteko.
Arresek agerraldia egin du Donostian, koalizioak legearen izapidetze prozesuan zer jarrera hartuko duen argitzeko. Azaldu duenez, akordioarekiko leialtasunaz gain, "herri bokazioa" izan dute lege arlo horretan.
Ostegunean eztabaidatu eta bozkatuko dituzte Legebiltzarrean osoko zuzenketak. EH Bilduren ustez, legea "beste fase batean" sartuko da, eta "ikusi beharko da hau 0tik abiarazten dugun edo eztabaida parlamentarioari bide ematen diogun".
Eztabaida nahi izanagatik, EH Bilduk argi utzi du berau "argia eta gardena" izan behar dela, eta hortaz, PSE-EE eta EAJri hizkuntza ereduen inguruan aurkeztu dituzten zuzenketei buruzko "iritzi bateratua" emateko deia egin die beste behin. Horren ildotik, Arresek iragarri du galdera bana egingo dietela Bildarratz sailburuari eta lehendakariari. Era berean, larunbatean hizkuntza ereduen eztabaidaren inguruko jardunaldi batzuk antolatu dituztela jakinarazi du Arresek. Hainbat aditu bilduko dituzte, auzia hainbat ikuspegitatik aztertzeko.
Zure interesekoa izan daiteke
Zaldibarko EH Bilduk babes osoa agertu dio Arantza Baigorri alkate ohiari, eta "inpartzialtasuna" eskatu du
EH Bilduren esanetan, "lurralde antolamenduarekin lotutako auzi honek ez du zabortegiaren amiltzearekin zerikusirik". Horren ustez, "amiltzearekin lotzeko saiakerek desitxuratzea dute helburu eta erabat lekuz kanpo daude".
Andueza "espainolistatzat" jo du Arrizabalagak, Pasaiako portuaren aferagatik EAJk eta PSEk duten sesioan
PSE-EEko idazkari nagusiak joan zen ostiralean adierazi zuenez, "EAJk Pasaiako portua lehiaketako elitetik atera nahi du, hiruzpalau maila azpitik joka dezan".
San Sebastian egunean ETAko bi preso ohiri egindako "ongietorria" salatu du Covitek
Terrorismoaren biktimen elkartearen arabera, 2022tik izan den lehen ongietorri publikoa da.
Sanchezek nabarmendu du "pentsioak bai ala bai igoko" direla, "PPren babesarekin edo babesik gabe"
Exekutiboak gaur arratsaldean ekingo die berriro talde parlamentarioekin elkarrizketei, Kongresuak 'omnibus dekretua' bertan behera utzi eta egun batzuetara.
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.