Donostiak 2024ra arte atzeratuko du Emisio Gutxiko Eremuaren ezarpena
Hasiera batean urtea amaitu baino lehen ezartzea aurreikusten zuten arren, Donostiako Emisio Gutxiko Eremua (EGE) 2024ko amaierara arte atzeratuko da, Olatz Yarza Mugikortasun zinegotziak ostegun honetan Udaleko Osoko Bilkuran azaldu duenez.
Donostiako gobernu taldeak, EAJk eta PSE-EEk osatuak, Espainiako Gobernuari luzapen bat eskatu zion urrian proiektuari forma emateko, eta horrek "gauzak ondo egiteko aukera paregabea ematen digu. Burubelarri ari gara lanean hori ezarri ahal izateko", Yarzaren arabera.
Ildo horretan, Marisol Garmendia Ekologiako zinegotzi sozialistak "lasaitasuna" eskatu die herritarrei, eta ziurtatu du inoiz ez dutela zirkulazioa itxiko hiriaren erdigunean. "Lehenengo fasean, eragina izango duten ibilgailuak etiketarik ez dutenak izango dira, hau da, Donostiako erdigunera sartzen den flotaren % 10, eta gehieneko murrizketa B etiketadun ibilgailuei aplikatuko zaie".
Garmendiak esan du EGE "iraunkorra eta zentzuzkoa" sortuko dutela, eta gogoratu du Donostia ez dela luzapena eskatu duen hiri bakarra. "EGEaren aplikazioa mailakatua izango da, erosteko ahalmen txikiagoa dutenei eta ibilgailua aldatu ezin dutenei ahalik eta kalterik txikiena eragiteko", gaineratu du.
Era berean, oposizioko taldeek Yarza eta Garmendiaren arteko desadostasunengatik egindako kritiken aurrean, sozialistak onartu du ez dutela prozesua ondo kudeatu: "Ez dut arazorik onartzeko".
Zinegotzi sozialistak eta jeltzaleak azaldu dutenez, "lanean" ari dira Emisio Gutxiko Eremua arautuko duen ordenantza ezartzeko, EH Bilduk aurkeztutako kontrol mozioak eskatuta; proposamena ez da onartu, gobernu taldearen botoek atzera bota dute-eta.
Ekimena Garbiñe Alkizak defendatu du, eta Emisio Gutxiko Eremua ezartzeko neurriak abenduaren 31 baino lehen zehazteko eskatzen zuen. Alkizak salatu duenez, gobernu taldeak urte honen amaierarako EGEa prest ez izateko azaldu dituen arrazoiak "aitzakiak baino ez dira"; izan ere, "2019-2023ko gobernu programan bazegoen".
Ildo beretik, Elkarrekin Donostiako zinegotzi Victor Lasa harrituta agertu da arduradunen zehaztasun faltagatik. "Aldaketak herritarrentzat deserosoak izateko beldur al zarete?", galdetu du. Eta gogoratu du beste hiri "askoz handiago" batzuek ere ezarri dutela Emisio Gutxiko Eremua, hala nola Amsterdamek 1978an eta Londresek duela 25 urte.
Borja Corominas popularrak, bere aldetik, udal gobernuaren barruan adostasunik ez egotea "harrigarria" dela esan du, eta "bi fakzio" dituela salatu du.
Oposizioari erantzunez, Yarza jeltzaleak esan du epeak ezin direla bete, besteak beste, zirkulazio ordenantza batek urtebete behar duelako tramitatzeko. "Eztabaida politikoa egin beharko da, herritarren parte-hartzearekin", adierazi du, eta talde politiko guztiek eztabaida horretan parte har dezatela eskatu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.