Gaur jakinaraziko du Otegik EH Bilduko lehendakarigai izateko aurkeztu nahi duen ala ez
Argitzen doa pixkanaka zeintzuk izango diren 2024ko hauteskundeetan euskal alderdien hautagaiak. Larunbatean jakin da EAJk Imanol Pradales proposatu diela alderdikideei lehendakari izateko hautagai, eta bat-bateko iragarpen horrek EH Bildurengana zuzendu ditu begiradak, gehiengoa lortzeko aukera gehien dituen alderdia baita.
EH Bilduren lehendakarigai Arnaldo Otegi izateko aukera bolo-bolo ibili da azken hilabete eta asteetan; Maddalen Iriarte izan zen aurreko hauteskundeetan lehendakarigaia. Otegik berak esan duenez, hartua du erabakia, baita ondo gordeta ere; izan ere, "gertukoenek bakarrik dakite", eta astelehenera arte ez da publiko egingo. Astelehenean bilduko da EH Bilduren Mahai Politikoa, eta han emango du Otegik bere erabakiaren berri.
Aste honetan bertan Radio Euskadin esan du ezker abertzalean hainbeste urteko militantziak nolabaiteko "desgastea" ekarri diola familiari, eta, hori dela eta, balitekeela ez izatea bera hautagaia.
Hala ere, argi utzi du aurkeztu egingo dela, alderdikideek eskatuz gero, baina, aurretik esan izan duenez, bere ibilbideari erreparatuta, uste du eskubidea irabazi duela bere etorkizunaz bere kabuz erabakitzeko.
Otegiren balizko hautagaitzari buruz han eta hemen esaten direnak espekulazioak baino ez direla azpimarratu du koalizioak, eta astelehenean eta bide ofizialetik jakingo dela Otegiren erabakia.
Astelehena izango da "galdera horri erantzuna emateko eguna", Oihana Etxebarrieta legebiltzarkideak gaur EITB Mediari egindako adierazpenetan azaldu duenez. Horren hitzetan, "bide-orria ondo markatuta dago" eta "lasaitasun osoz jarraituko dugu lanean", Otegiren erabakia edozein dela ere.
Hautagaia emakumezkoa izango ote den galdetuta, Etxebarrietak esan du EH Bildu osoak egiten duela lan politika publiko feministekin, eta ezberdintasuna horrek markatzen duela: "Lantalde bat gara, eta gure politikak dira, ez norbanakoak, ezberdintasuna markatzen dutenak; horretan ari gara lanean, gure politika publikoetan".
Etxebarrietak azaldu duenez, astelehenetik aurrera azalduko du koalizio subiranistak zein izango den hauteskundeetarako prozesua, eta "beharbada denborak apurtxo bat aurreratu beharko dira" hauteskundeak aurreratu daitezkeela ikusirik. Edozein modutan, urtea amaitzerako jakingo da hautagaiaren izena.
Gainerako alderdiei dagokienez, jakina da PSE-EEk Eneko Andueza aurkeztuko duela lehendakarigai, eta PPk, Javier de Andres. Legebiltzarrean gaur egun ordezkaritza duten alderdien artean, beraz, EH Bildu, Elkarrekin Podemos-IU eta Vox falta dira lehendakari izateko euren hautagaien berri emateko.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".